konka coffee
KONKA

AMAKURU

UKWEZI

Umukambwe w’imyaka 100 yajyanywe mu nkiko n’umwuzukuru we yasambanyaga afite imyaka 5

Umukambwe w’imyaka 100 yajyanywe mu nkiko n’umwuzukuru we yasambanyaga afite imyaka 5
4-12-2017 saa 21:42' | By Akayezu Jean de Dieu | Yasomwe n'abantu 6216 | Ibitekerezo 1

Nicole Caroli w’imyaka 46 y’amavuko yajyanye mu nkiko sekuru witwa Douglas Hammersley, w’imyaka 100 amushinja kuba yaramusambanyaga ku ngufu akiri umwana muto w’imyaka 5.

Uyu mukambwe yahamwe n’icyaha akatirwa igifungo cy’’imyaka ibiri ariko kubera ko akuze cyane yahise ategekwa gutanga akayabo k’ibihumbi 25 by’amadorali y’America.

Uyu Nicole Caroli yavuze ko ababazwa cyane ndetse akarwara iyo yumvishe abantu benshi bashimagiza cyane uyu mukambwe bavuga ko ari umuntu w’inyangamugayo.

Ibi ngo nibyo byatumye ubwo yabonaga amafoto y’uyu Sekuru ari mu kabari ke arimo kunywa inzoga yishimira isabukuru y’imyaka ijana yumva ababaye cyane maze ahita afata umwanzuro wo kumujyana mu nkiko kugira ngo ahabwe ubutabera atarapfa.

Ubwo uyu mugore yaganiraga n’ikinyamakuru The Mirror, yavuze ko ababazwa cyane n’abantu bashimira uyu musaza bavuga ko ari umuntu mwiza nyamaze ukuri guhari gutandukanye n’ibyo bavuga cyangwa bibwira.

Nicole kandi yavuze ko yatangiye gutegura kurega mu nkiko uyu musaza mu kirori cyari cyamuteguriwe ubwo yari yujuje imyaka 70 ariko kubw’amahirwe make ntibyamukundiye gusa ngo yakomezaga kubizirikana.

Uyu Nicole agaruka ku buryo uyu musaza yajyaga amusambanya afite imyaka 5 y’amavuko yavuze ko yamufataga barimo kureba televiziyo akajya amukorakora ndetse akagera n’ubwo amusambanya ngo ubundi akamusanga mu cyumba yaryamagamo akamusambanya yarangiza akamubuza kubibwira nyirakuru.

Yagize ati “Yakundaga kumfata akankikira turimo kureba televiziyo akankorakora hanyuma yarangiza akansambanya n’iyo nageragezaga kwihisha munsi y’igitanda yarazaga akankuramo ubundi yamara kunkorera ibyo byose agahita antera ubwoba ko ningira uwo mbibwira azamerera nabi."

Uyu mugore kandi yavuze ko buri gihe iyo yibutse ibyo yakorerwaga n’uyu sekuru ahita ajya koza amenyo kugira ngo wenda arebe ko yabyikuramo kuko bimuhungabanya cyane. Hammersley yakatiwe n’urukiko rwa Aylesbury Crown Court mu gihugu cy’Ubwongereza ari naho aba bombi babarizwa.


INKURU ZA :
Tanga Igitekerezo
Ibitekerezo 1
hmm Kuya 7-12-2017

Ubuse nibwo yabyibuka da.ninjajwa.yamushakagaho cash ntakindi.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...