konka coffee
KONKA

AMAKURU

UKWEZI

Besigye wariye karungu yatangaje uburyo bushya bwo gukuraho ubutegetsi bwa Museveni

Besigye wariye karungu yatangaje uburyo bushya bwo gukuraho ubutegetsi bwa Museveni
11-01-2018 saa 15:08' | By Akayezu Jean de Dieu | Yasomwe n'abantu 2821 | Ibitekerezo

Kuri uyu wa Kane tariki 11 Mutarama 2018, Dr Kizza Besigye utavuga rumwe n’Ubutegetsi muri Uganda yagiranye ikiganiro n’abanyamakuru aho yababwiye ko yafashe ingamba zihambaye ndetse afite uburyo bushya azifashisha akuraho ntan’ibuye akoresheje, Ubutegetsi bwa Gisirikare buyobowe na Perezida Yoweri Kaguta Museveni

Nyuma yo gutsindwa urugamba rwo guhindura Itegeko Nshinga by’umwihariko ingingo yaryo y’102 yavugaga ibijyanye n’imyaka Perezida wa Uganda agomba kuba atarengeje, Dr Kizza Bessigye yazanye uburyo bushya agiye gukoresha mu gukuraho ubutegetsi bwa Perezida Museveni kuri ubu wamaze kwemererwa n’Itegeko Nshinga kuzongera kwiyamamariza kuyobora Uganda.

Mu nkundura yo kurwanya abashakaga guhindura Itegeko Nshinga, Dr Kizza Besigye afatanyije na Bobi Wine ndetse n’abandi batavuga rumwe n’ubutegetsi muri Uganda, bakoreshaga uburyo bari barise ‘Togikwatako’ mu kurwanya abayoboke b’ishyaka rya NRM ari nabo bashakaga guhindura Itegeko Nshinga.

Kuri ubu nyuma y’uko ubu buryo bunaniwe gukoma mu nkokora Museveni n’abarwanashyaka ba NRM, ngo Besigye yazanye ubundi buryo bushya yise ‘Tubalemese Campain’ aho yavuze ko bagiye gufata ama kompanyi n’ibindi bikorwa by’ubucuruzi byegamiye kuri NRM ndetse na Leta ya Uganda muri rusange maze bakabishyiriraho ibihano bikomeye kugeza igihe ba nyir’ibi bikorwa bazava ku izima bakareka gushyigikira Museveni

Besigye Yagize ati “Tugiye gukuraho ubu ubutegetsi bwa Gisirikare ntan’ibuye dukoresheje”

Daily Monitor dukesha iyi nkuru ivuga ko iki kiganiro Besigye yagiranye n’abanyamakuru cyabereye ku biro by’ishyaka FDC, I Katonga mu Mujyi wa Kampala

Besigye kandi yabwiye itangazamakuru ko ubutaha niyongera gutsindwa amatora azarahirira imbere ya Guverinoma y’abaturage ‘People’s Government’ aho yavuze ko ubu ari uburyo buzamufasha guhinyuza icyemezo cyafashwe n’ishyaka riri ku butegetsi ubwo ryiyemezaga guhindura Itegeko Nshinga.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...