konka coffee
KONKA

AMAKURU

UKWEZI

Inyeshyamba z’aba Islam zishe uwahoze ari Perezida w’igihugu cya Yemen

Inyeshyamba z’aba Islam zishe uwahoze ari Perezida w’igihugu cya Yemen
4-12-2017 saa 21:49' | By Akayezu Jean de Dieu | Yasomwe n'abantu 1629 | Ibitekerezo

Ali Abdullah Saleh, wabaye Perezida wa Yemeni imyaka 33 yapfuye arashwe n’inyeshyamba z’aba Islam bo mu bwoko bw’aba Shia zitwa “Houthi cyangwa Ansar Allah” zifite igice kinini ziyoboye muri Yemen harimo n’umurwa mukuru w’iki gihugu wa Sana’a.

Ali Abdullah Saleh ubusanzwe yakoranaga n’izi nyeshyamba ndetse yazifashije gufata umurwa mukuru Sana’a zari zarananiwe gufata ku butegetsi bwe kuva mu myaka ya za 90 zimurwanya.

Byaje gutuma, Perezida Abdrabbuh Mansur Hadi wamukurikiye ahunga. Mu mpera z’icyumweru gishize, Saleh yari yitandukanyije n’inyeshyamba z’aba-Houthi ngo bapfa kutumvikana ku ugomba kuyobora umusigiti mukuru wo mu mujyi wa Sana’a ufitwe n’inyeshyamba.

Uku gutandukana byarakaje inyeshyamba, ndetse zibifata nko kuzigambanira. Mu mashusho n’amafoto izi nyeshyamba zanyujije mu binyamakuru ndetse n’imbuga nkoranyambaga bakorana, aragaragaza ishusho y’umutu usa na Saleh ndetse humvikanamo abarwanyi b’aba-Houthi bishima bavuga ko “bihoreye ku mugambanyi”.

Aba-Houthi bavuze ko bateze igico imodoka za Saleh urufaya rw’amasasu, mu gitero cyari gikomeye maze birangira bamuhitanye.

Teveviziyo yitwa “Al Arabiya TV” yatangaje ko ishyaka rya Saleh ryitwa “General People’s Congress” naryo ryemeje ko yapfuye. Saleh yari afite ipeti ry’ikirenga mu gisirikare cya Yemen rya “Field Marshal” kubera ubuhanga yagaragaje mu gisirikare kuva akiri muto.

Nyuma yo kwishyira hamwe kwa Yemen yepfo n’iya ruguru, Saleh yabaye Perezida wa mbere wa Yemen Yunze Ubumwe mu gihe cy’imyaka irenga 22 (1990-2012), ariko yenayoboye Yemen ya ruguru kuva mu 1978 kugera mu 1990.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...