konka coffee
KONKA

AMAKURU

UKWEZI

Kenya: Bamwe batangiye amatora abandi bazindukira mu myigaragambyo-Amafoto

Kenya: Bamwe batangiye amatora abandi bazindukira mu myigaragambyo-Amafoto
26-10-2017 saa 09:16' | By Vincent Nsengiyumva | Yasomwe n'abantu 3825 | Ibitekerezo 1

Muri iki gitondo, abaturage bo mu bice bitandukanye muri Kenya bazindukiye ku biro by’amatora y’Umukuru w’Igihugu agiye gusubirwamo, ariko hari n’abandi bari hirya no hino bazindukiye mu myigaragambyo badashaka ko aya matora akorwa.

Ku munsi w’ejo nibwo Umuyobozi w’ amashyaka atavuga rumwe n’ubutegetsi Raila Odinga yasabye abamushyigikiye kutitabira aya matora ndetse ahubwo ko bakwiye guhaguruka bakayamagana.

Ibiro by’amatora byafunguye imiryango saa kumi n’ebyiri z’igitondo aho bamwe babyutse kare berekeza aho batorera ariko hakaba n’abadashyigikiye aya matora babyukiye mu mihanda bari guhangana n’inzego zishinzwe umutekano.

Daily nation dukesha iyi nkuru ivuga ko bamwe mu bari kwamaganira kure aya matora biganjemo urubyiruko batangiye gufunga imihanda yo mu duce tumwe na tumwe ku munsi w’ejo aho babuzaga imodoka gutambutsa ibikoresho by’amatora zibijyana ku biro byateganyijwe.

Abakozi ba Komisiyo y’Amatora IEBC bo mu gace ka Homa Bay Kisumu, Siaya, ndetse na Migori babujijwe n’insoresore zari zigabije imihanda kugeza ibikoresho ku biro by’itora byo muri utu duce.

Perezida Uhuru Kenyatta uri gushaka kuyobora manda ya kabiri, yasabye abaturage bo muri Kenya mu mutuzo kandi bakirinda ikintu cyose cyateza umutekano muke muri ibi bihe barimo.

Hari ibice byo mu Majyaruguru y’iki gihugu nka Laikipia byazindutsemo imvura nyinshi ariko ntiyabuza abaturage babishaka kujya gutora.

Amatora y’Umukuru w’Igihugu muri Kenya yari yabaye ku wa 08 Kanama 2017 ariko ibyayavuyemo biza guteshwa agaciro n’Urukiko rw’Ikirenga rwahise rwanzura ko atanyuze mu mucyo, rutegeka ko yongera kuba mu gihe kitarenze iminsi 60

Mu matora yari yabanje, Uhuru Kenyatta yagize amajwi 54 % naho Raila Odinga aza ku mwanya wa kabiri n’amajwi 44 %.

JPEG - 21.9 kb

Bamwe babyutse mu gitondo cya kare berekeza ku biro by’itora

JPEG - 70.3 kb
JPEG - 75.5 kb

Abasaza bo mu gace ka Wabera berekeza ku biro by’itora

JPEG - 82.5 kb

N’ubwo imvura yazzindutse ku muryango, hari abayigiyemo berekeza aho batorera

JPEG - 58.7 kb

Abashyigikiye Raila Odinga bazindutse mu myigaragambyo

JPEG - 89.7 kb

Abashinzzwe umutekano baryamiye amajanja

JPEG - 61.1 kb

Imvura ni nyinshi mu bice byo mu Majyaruguru y’igihugu

JPEG - 60.7 kb

Abasirikare n’abapolisi bazindukiye mu bikorwa byo gukoma mu nkokora abashakaga kwitambika ibikorwa by’amatora

JPEG - 77.8 kb

Umusaza yerekeza ku biro by’itora bya Wagberi

JPEG - 52.6 kb

Moses Akaranga wahoze ari Guverineri w’Intara ya Vihiga amaze gutora

JPEG - 75.5 kb

Abigaragambya bazindutse bafunga imihanda mu bice bitandukanye

JPEG - 92.3 kb

Umutekano wakajijwe cyane


INKURU ZA :
Tanga Igitekerezo
Ibitekerezo 1
peterovic Kuya 26-10-2017

nibyo koko leta igomba gukaza Umutekano ikarengera inyungu z’umwenegihugu

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...