konka coffee
KONKA

AMAKURU

UKWEZI

Kenya: Perezida Kenyatta yirukanye abaminisitiri 13 muri Guverinoma

Kenya: Perezida Kenyatta yirukanye abaminisitiri 13 muri Guverinoma
6-01-2018 saa 12:51' | By Akayezu Jean de Dieu | Yasomwe n'abantu 3207 | Ibitekerezo

Perezida wa Kenya, Uhuru Kenyatta uherutse kurahirira kuyobora iki gihugu nyuma yo gutsinda amatora yasubiwemo ku wa 26 Ukwakira 2017, yakoze impinduka zikomeye muri Guverinoma y’iki gihugu aho abaminisitiri bagera kuri 13 beretswe umuryango ndetse n’abandi bayobozi bakomeye mu nzego za Polisi, Ingabo n’izindi nzego barasezererwa

Kuri uyu wa Gatanu tariki 5 Mutarama 2018, nibwo Perezida Kenyatta yashyizeho Guverinoma nshya agiye gukorana nayo muri manda yarahiriye ku wa 28 Ugushyingo 2017.

Guverinoma nshya ya Kenyatta yatunguranye bikomeye dore ko mu bayobozi bari bitezwe nk’abazakomezanya na Perezida Kenyatta abenshi batabashije kwisanga mu myanya abenshi babakekeragamo ndetse bamwe mu batahawe imyanya bakaba bari n’inshuti za Kenyatta ku rwego rwo hejuru

Mu baminisitiri 13 beretswe umuryango harimo, Raychelle Omamo wari Minisitiri w’Ingabo, Hassan Wario wari Minisitiri wa Siporo,Umuco n’Ubugeni, Amina Mohamed wari Minisitiri w’Ububanyi n’amahanga n’Ubucuruzi, Dan Kazungu wari ushinzwe umutungo kamere, Cleopa Mailu wari Minisitiri w’Ubuzima n’abandi baminisitiri benshi bagiye bakurwa mu myanya bagasimbuzwa abandi bashya.

Nairobi News dukesha iyi nkuru ivuga ko Ububasha bwo gushyiraho abagize Guverinoma, Perezida w’Igihugu cya Kenya abuhabwa n’Itegeko Nshinga ry’iki gihugu mu ngingo yaryo y’131 n’iy’152 ryo mu mwaka 2010, aho Perezida nyuma yo kurahira aba yemererwa gushyiraho abaminisitiri n’abanyamabanga bagomba gufatanya nawe mu nshingano zo kuyobora igihugu.

Perezida Kenyatta yavuze ko abayobozi bashya ashyize muri Guverinoma, abagabo n’abagore ari bo yabonyemo ubushobozi n’imbaraga kandi bazamufasha gushyira mu bikorwa ibyo yasezeranyije abaturage ba Kenya ubwo yabasabaga ku mutorera kuba Perezida


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...