konka coffee
KONKA

AMAKURU

UKWEZI

Padiri Nahimana Thomas na bagenzi be baravugwaho ubutekamitwe no gusabiriza

Padiri Nahimana Thomas na bagenzi be baravugwaho ubutekamitwe no gusabiriza
28-10-2017 saa 07:45' | By Akayezu Jean de Dieu | Yasomwe n'abantu 8155 | Ibitekerezo 6

Padiri Nahimana Thomas uyobora ishyaka Ishema ritavuga rumwe n’ubutegetsi bwa Leta y’u Rwanda ndetse akaba yari yaratangaje ko aziyamamariza kuyobora u Rwanda mu matora yabaye muri Kanama uyu mwaka, nyuma akavuga ko yaje no gushyiraho icyo yise Guverinoma ikorera mu buhungiro, kuri ubu arashinjwa n’abatari bacye ko we na bagenzi be barimo gusabiriza bashaka indonke muri rubanda babyita gushakira inkunga Guverinoma iba mu buhungiro.

Uyu Nahimana Thomas wahoze ari Padiri mu Rwanda, yanyujije ubutumwa ku rubuga (Ntabwo twatangaza uru rubuga kuko byaba ari ukurwamamaza) yise urwa Guverinoma ikorera mu buhungiro, ayo yavuze ko bakeneye inkunga y’amadorali 10 kuri buri wese, ni ukuvuga abarirwa mu 8500 uyabaze mu mafaranga y’u Rwanda. Ntabwo uyu Nahimana Thomas yigeze atangaza ingano y’amafaranga bashaka ndetse n’icyo agamije kuzakoreshwa.

Muri ubwo butumwa bwe yagize ati “Uru ni urubuga rwa Guverinoma ikorera mu buhungiro. Turasaba ko mwadufasha mukaduha inkunga, dukeneye amadorali 10, ushobora kuduha menshi uramutse ubukunze cyangwa utabikunze ukabyihorera. Murakoze”

Abatari bacye bakiriye ubu butumwa, bagaragaje ko ibi ari amaco y’inda kuri Padiri Nahimana Thomas n’abo bafatanyije kurwanya ubutegetsi bw’u Rwanda, kuko nta gikorwa kigaragara kizima bashakira inkunga uretse kuba bashaka kwibonera amafaranga bakoresha mu nyungu zabo bwite bitwaje kubeshya rubanda ko bashaka kuyakoresha mu bikorwa bya Politiki.

Ubwo uyu mupadiri w’umunyepolitiki yashingaga icyo yise Guverinoma y’u Rwanda ikorera mu buhungiro, yari yavuze ko yagize Ingabire Victoire Umuhoza Minisitiri w’umuco, umuryango, guteza imbere umwari n’umutegarugori, ariko kuko afungiwe muri gereza nkuru ya Kigali, ngo ahagarariwe na Nadine Claire KASINGE byakunze kuvugwa ko ari n’umugore w’uyu mupadiri n’ubwo yakunze kwaInga kugira icyo abivugaho. Gusa bamwe mu bayoboke b’ishyaka FDU Inkingi na Ingabire Victoire abarizwamo bikomye cyane ndetse bitakana uyu mupadiri ndetse ibi byahuje no kuba imbaga y’abantu bari bakomeje kugenda bamwita umutekamutwe


INKURU ZA :
Tanga Igitekerezo
Ibitekerezo 6
N. Tntezirya Kuya 30-10-2017

Padiri ragira intama wahawe dore mubyo washinzwe ntabwo aribyo Uri gukora saba nyagasani agufashe uhinduke.

Fox Kuya 29-10-2017

Diaspora Nyarwanda IAbanyarwanda batarenga Milioni Imwe.
U Rwanda rutuwe na Milioni 12.
Muri Diaspora habarizwa Amashyaka arenga 100.
Mu Rwanda Harimo Amashyaka 12 Gusa.
None wowe Ntiwaba Wibaza Impanvu y’Ubwinshi bw’Amashyaka abarizwa muri Diaspora??
Akenshi twunva ingirwamashyaka zavutse,ariko ntitujya tumenya aho abarizwa cg akorera.
Ikindi Kitajya Gisobanuka ni uburyo ziriya ngirwamashyaka zo muri Diaspora zisenyuka zitamaze kabiri!!!
None abajya bavuga ko Ishingwa ry’amashyaka atabarika bwaba ari uburyo bwo gushaka indonke, ntibaba bavuga Ukuri koko????
Ubwinshi bw’Amashyaka muri Diaspora aho usanga umwana afite ishyaka, papa we afite irindi, Nyina afite irye Bumaze Iki ??

JJ Kuya 29-10-2017

PADIRI MENYA ICYOWAHAMAGARIWE KANDI NIBA UTACYIYUMVAMO UBIHAKANE BOSE BABIREBA UREKE GUKORESHA UBUBASHA WAHAWE MUGUSHAKA INDONKE Z’UMUBIRI

Munanira Jean Yves Kuya 28-10-2017

Uyu nawe!!! Yigeze kuvuga ngo abonye amadoli 1000 yakuraho Leta y’u Rwanda. Umutekamutwe w’umujura gusa. Abazayamuha birabareba, bazirwarize. Harya umuntu ananirwa kuyobora paruwase agashobora kuyobora igihugu kweli???

Jose Kuya 28-10-2017

Abatekamitwe gusa

ndorimana Kuya 28-10-2017

ese ya mafaranga yirirwaga yaka abantu yarayabasubije cg yarayiririye

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...