konka coffee
KONKA

AMAKURU

UKWEZI

Trump yateye ubwoba ibihugu bishaka gushyigikira UN ku gukemura ikibazo cya Yeruzalemu

Trump yateye ubwoba ibihugu bishaka gushyigikira UN ku gukemura ikibazo cya Yeruzalemu
21-12-2017 saa 09:32' | By Vincent Nsengiyumva | Yasomwe n'abantu 2103 | Ibitekerezo 1

Perezida wa Leta Zunze Ubumwe za Amerika (USA), Donald Trump, yatangaje ko yiteguye gukuriraho inkunga igihugu cyose kiri buze gushyigikira igitekerezo cy’Umuryango w’Abibumbye (UN), mu kurwanya icyemezo yafashye cyo kugira Yeruzalemu umurwa mukuru wa Israel.

Ibi Perezida Donald Trump yabigarutseho mu kiganiro yagiranye n’ abanyamakuru kuri uyu wa Gatatu aho yavuze ko uyu munsi kuwa Kane tariki 21 Ugushyingo ari bwikurikiranire amatora ku mwanzuro w’uko Yeruzalemu iba umurwa mukuru wa Israel ari bubere muri Loni, ashimangira ko igihugu kidashyigikira US mu mwanzuro yafashe gihita gihagarikirwa inkunga cyagenerwaga n’iki gihugu cy’igihangange.

Tariki 6 Ukuboza nibwo Perezida wa Leta Zunze Ubumwe za Amerika, Donald Trump, yatangaje ko igihugu cye cyemeje bidasubirwaho ko Yeruzalemu ari wo Murwa Mukuru wa Israel, icyemejo cyashaririye abanya-Palestine ku buryo bahise bigabiza imihanda babyamagana ndetse na bamwe mu bayobozi bakomeye b’ibihugu bitandukanye bagaragaza ko uyu mugabo afashe icyemezo ahubutse kandi ko gishobora gutera ingaruka zikomeye ku bihugu byombi ndetse n’isi yose muri rusange.

Umuryango w’Abibumbye (UN) utarashimishijwe n’icyemezo cya USA mu kibazo cya Israel na Palestine ku butaka bwa Yeruzalemu, wateguye amatora aciye mu mucyo aho ibihugu biri muri uyu muryango biri gushaka ko iki kibazo cyakemuka binyuze mu mucyo, maze hagakoreshwa amatora.

Gusa Perezida wa Leta Zunze Ubumwe za Amerika Donald Trump ntiyishimiye uburyo UN ishaka gukemuramo ikibazo, aho yateye ubwoba ibihugu biri bugire uruhare muri aya matora abibwira ko igihirahira kunyuranya n’umwanzuro yafashe ko ahita agihagarikira inkunga zose yakigeneraga.

Abakurikiranira hafi uko Leta Zunze Ubumwe za Amerika iri kwitwara mu kibazo cya Israel na Palestine bavuga ko iki gihugu cy’igihangange kiri gukoresha imbaraga z’ifaranga kugira ngo ibihugu bize kugishyigikira ku mwanzuro cyafashe.

Mu kiganiro Donald Trump yahaye abanyamakuru muri White House yagize ati “Tubaha Amamiliyoni menshi y’amadolari ngo muteze imbere ubukungu bwanyu none murashaka gutora ibinyuranye nibyo twifuza. Mubareke nibashake batore ibinyuranye n’ibyo twifuza, twe ntakibazo dufite tuzabahagarikira inkunga twabahaga kandi bizatuma twizigamira amafaranga menshi.”

Israel na Palestine bimaze imyaka myinshi birwanira agace ka Yeruzalemu aho buri gihugu kivuga ko ari ubutaka bwacyo, kuburyo buri gihugu muri ibi byombi gifata Yeruzalemu nk’ umurwa mukuru wacyo.

Bamwe mu baperezida b’ibihugu barwanyije icyemezo cya Trump barimo uwa Turukiya, Jordan, Palestine, Misiri, uw’Ubufaransa, Arabia Saoudite n’abandi benshi batandukanye aho bose bamuburiraga kuri icyo cyemezo bagaragaza ko gishobora guteza ikibazo gikomeye mu rugendo rugamije kugarura amahoro hagati y’ibihugu byombi.

Umujyi wa Yerusalemo ibihugu bya Israel na Palestine bihanganiye


INKURU ZA :
Tanga Igitekerezo
Ibitekerezo 1
Naz Kuya 24-12-2017

Ntampamvu yokubanyaga ubutaka bwabasekuruza nomuri bibiriya birimo, ariko koko murumva yerusalemu yaba umurwa mukuru wa paristina? Biragatsindwa nimana.

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...