konka coffee
KONKA

AMAKURU

UKWEZI

Uganda: Polisi yafunze ikinyamakuru Red Pepper cyanditse inkuru ku Rwanda

Uganda: Polisi yafunze ikinyamakuru Red Pepper cyanditse inkuru ku Rwanda
22-11-2017 saa 10:19' | By Akayezu Jean de Dieu | Yasomwe n'abantu 5378 | Ibitekerezo

Polisi ya Uganda yafunze ikinyamakuru Red Pepper gifite ibiro ahitwa Namanve, mu karere ka Mukono, kizira kwandika inkuru yacicikanye yavugaga ku ngo Perezida Museveni ari gutegura guhirika ubutegetsi bw’u Rwanda.

Ikinyamakuru The New Vision cya Leta ya Uganda cyavuze ko ku mugoroba wo kuri uyu wa Kabiri, abapolisi b’ishami rishinzwe kurwanya iterabwoba binjiye mu biro by’iki kinyamakuru i Namanve, basabye abakozi bose guhagarika akazi, ifatira amatelefone yabo, ndetse inabafungiramo.

Umuvugizi wa Polisi, Emilian Kayima, yamenyesheje iki kinyamakuru ko kiri gukorwaho iperereza ku nkuru ibeshya cyatangaje kuwa 20 Ugushyingo 2017 ivuga ko Perezida Museveni ategura mu ibanga kuzakuraho Perezida w’u Rwanda.

Yagize ati “Polisi ya Uganda yatangije muri iki gitondo iperereza ku magambo y’ubushotoranyi ari mu nkuru ashobora kugira ingaruka ku mutekano w’igihugu n’uw’akarere muri rusange.”

Yakomeje avuga ko iperereza riri gukorwa riteganywa n’ingingo ya 37 y’Itegeko mpanabyaha ivuga ku cyaha cyo gutangaza amakuru yagira ingaruka ku mutekano w’igihugu.

Polisi yakomeje itangaza ko yinjiye mu biro bya Red Pepper mu gukora iperereza kandi ko nk’ahakorewe icyaha hari gushakishwa amakuru, hafunzwe kugeza igihe rizarangirira.


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...