AMAKURU

UKWEZI

APR FC inyagiye Anse Reunion FC,Bizimana Djihad atahana ballon

 APR FC inyagiye Anse Reunion FC,Bizimana Djihad atahana ballon
11-02-2018 saa 18:07' | By Muhizi Olivier | Yasomwe n'abantu 1199 | Ibitekerezo 1

Umukino waberaga kuri Sitade Amahoro I Remera wahuzaga APR FC na Anse Reunion FC yo muri Seychelles mu minikino ya CAF Confederation Cup, urangiye APR FC inyagiye Anse Reunion FC ibitego bine ku busa, Bizimana Djihad watsinze ibitego bitatu muri uyu mukino bamuhaye umupira (Ballon) arawutahana

Uyu mukino wabaye kuri iki Cyumweru tariki 11 Gashyantare 2018, Ikipe ya APR FC iwitwayemo neza ibasha gutanga isomo rya ruhago kuri iyi kipe yari yaturutse mu birwa bya Seychelles

Umukino watangiye ubona ko APR FC iyoboye umukino abakinnyi bayo nka Bizimana DJihad na Byiringiro Rague basatira cyane ku munota wa 7 Bizimana Djihad yatsindiye igitego cyambere APR FC abari muri stade bizerako ikipe ya APR FC iri butsinde ibitego byinshi Anse Reunion FC yo mu birwa bya Seychelles.

Igice cyambere cyose APR FC yari iyoboye umukino ndetse igahusha n’ibitego byari byabazwe Muhdjili Hakizimana yageragezaga gucenga no gutera amashoti ya kure ariko ntagire icyo abyara .

Kuruhande rwa Anse Reunion FC ntabyinshi yagaragaje mu minota yose y’igice cya mbere ndetse n’umuzamu wa APR FC Kimenyi Yves ntakazi kanini yagize igice cyambere cyarangiye APR FC iyoboye n’igitego kimwe ,ku busa bwa Anse Reunion FC .
Igice cya kabiri umutoza wa APR FC Jimmy Mulisa yakoze impinduka Sekamana Maxime asimbuzwa Nshuti Innocent ubusatirizi bwa APR FC bugira imbaraga kurushaho ku munota wa 60 w’igice cya kabiri Hakizimana Muhdjili yahushije igitego cyari cyabazwe umutoza ahita anamusimbuza Itangishaka Braise nawe waje kongera imbaraga mu busatirizi kuko iminota 30 yose y’igice cya kabiri APR FC yayikiniye mu gice cya Anse Reunion FC.

Ku munota wa 67 Issa Bigirimana yatsinze igitego umusufuzi ntiyacyemera avuga ko habayeho kurarira ,nyuma y’iminota 2 gusa Bizimana Djihad yatsinze igitego cya kabiri cya APR FC kikaba n’igitego cya kabiri yaratsinze muri uyu mukino.

APR FC yakomeje gusatira cyane Issa Bigirimana yatinze igitego cya 3 ku munota wa 80 ari nako bakomeza guhusha ibitego byabazwe ku munota wa 88 Ombolenga Fitina yatsinze igitego baracyanga ,ariko APR FC ikomeza gusatira cyane ku munota wa 91 Bizimana Djihad atsinda igitego cya kane kikaba igitego cya gatatu atsinze muri uyu mukino .

Umukino warangiye ari ibitego 4 ku busa bwa Ans Reunion FC ,umukino utaha uzahuza APR FC na Anse Reunion FC uzabera mu birwa bya Seychelles mu cyumweru gitaha tariki 15 Gashyantare 2018.
AMAFOTO: Renzaho Christophe


INKURU ZA :
Tanga Igitekerezo
Ibitekerezo 1
ETIENNE Kuya 11-02-2018

SACHES ARAMBABAJE PE

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...