konka coffee
KONKA

AMAKURU

UKWEZI
Minijust

APR FC yifashishije umukinnyi warezwe na Rayon Sports mu kuyibabaza inayitwara igikombe

APR FC yifashishije umukinnyi warezwe na Rayon Sports mu kuyibabaza inayitwara igikombe
1-02-2019 saa 21:12' | By Muhizi Olivier | Yasomwe n'abantu 2811 | Ibitekerezo 2

Ntagushidikanya, Nshuti Savio Dominique ni we uraye mu mitwe y’abafana ba APR FC n’ab’ikipe y’abakeba nyuma y’igitego yatsinze Rayon Sports yahozemo akababaza abahoze ari abafana be akanafasha ikipe gutwara igikombe cyari gisanzwe kibitswe na Rayon Sports.

Ni umukino wabaye kuri uyu wa Gatanu tariki 1 Gashyantare 2019 hizihizwa umunsi w’Intwari mu guhatanira igikombe cy’Intwari z’u Rwanda.

Umukino watangiye ubona APR FC ari yo iyoboye kuko ari yo yahushaga ibitego byinshi mu minota ya mbere y’umukino ndetse ku munota wa 28 , myugariro wa Rayon Sports Rutanga Eric yakoze amakosa, Issa Bigirimana amutwara umupira awucomekera Nshuti Dominique Savio akoresha umuvuduko ukomeye asiga ba myugariro ba Rayon Sports barimo Radu afungura amazamu, igice cya mbere kirangira ari igitego kimwe cya APR FC ku busa bwa Rayon Sports.

Umupira Issa Bigirimana yatanze niwo wavuyemo igitego cyatsinzwe na Savio

Mu gice cya kabiri Rayon Sport yaje ishaka kwishyura ariko ikipe y’abakeba iyibera ibamba n’amahirwe ayibana macye kuko yanakubise umupira ku mutambiko w’izamu nyuma y’uko Kimenyi Yves urinda izamu rya APR FC yari amaze gukozaho imitwe y’intoki. Hagati aho ariko ba rutahizamu ba APR FC nabo banyuzagamo bakazonga ab’inyuma ba Rayon Sports.

Umutoza wa APR FC yakoze impinduka akuramo Rusheshangonga wari ugize akabazo k’imvune asimburwa na Songayingabo Shaffi ari nako abakinnnyi b’imbere ba Rayon Sports nk’umunya Brazil Jonathan Rafael na Michael Sarpong bageragezaga gusatira ariko ntacyo bigeze bakora kigaragara muri uyu mukino.

Umukino warangiye ari igitego kimwe cya APR FC ku busa bwa Rayon Sports, biba inshuro ya kabiri kuko tariki 12 Ukuboza 2018 APR FC yari yatsinze Rayon Sports ibitego 2 kuri 1 bikaviramo umuzamu wa Rayon Sports Bashunga Abuba guterwa n’abafana ba Rayon Sports mu rugo rwe ku Ruyenzi bamuziza gutsindwa n’umukeba.

Ubusanzwe Issa Bigirimana asanzwe ari mu bakinnyi ba APR FC bayitsinze ibitego byinshi .

Iri rushanwa ry’intwari ngaruka mwaka rya 2019 ryiyabiriwe na APR FC ifite amanota 6 ikurikiwe na AS Kigali n’amanota 5, Rayon Sports ku mwanya wa 3 n’amanota 4 ndetse na Etincelles kuwanya wa kane n’inota 1.

Nicyo gikombe cyambere cy’irushanwa ry’intwari APR Fc itwaye mu bikombe bitatu bimaze gukinirwa kuko bibiri biheruka byegukanywe na Rayon Sports.

Amafoto :IGIHE


Tanga Igitekerezo
Ibitekerezo 2
hakizimana saviyo Kuya 2-02-2019

APR FC NUBUNDIUBUTWAR TURABUSANGAMYWE

Firimini Kuya 1-02-2019

Apr fc nikipe yubukombe mugutwara ibikombe,iterumupira igahagurukana ubutwari mugutwara ibikombe,oyeeeeeeeeee,

English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...