konka coffee
KONKA

AMAKURU

UKWEZI

Abazaserukira u Rwanda mu mikino ihuza ibihugu bivuga Icyongereza batangiye kumenyerezwa

Abazaserukira u Rwanda mu mikino ihuza ibihugu bivuga Icyongereza batangiye kumenyerezwa
12-03-2018 saa 19:06' | By Muhizi Olivier | Yasomwe n'abantu 428 | Ibitekerezo

Imikino ihuza ibihugu bivuga Icyongereza izabera muri Australia muri Mata 2018 u Rwanda ruzahagarirwa n’abakinnyi 17 mu mikino 4 ariyo gusiganwa ku maguru, gusiganwa ku magare ,Volley ball bakinira mu mucanga (Beach volley) ikinwa n’abakinnyi 2 ndetse no guterura ibiremereye ku bafite ubumuga.Abanyarwanda bazaserukira igihugu muri iyi mikino batangiye imyitozo.

Iyi mikino izahuza amakipe yo mu bihugu bikoresha Icyongereza izaba kuva tariki 4 kugeza 15 Mata 2018, ikaba izabera muri Australia.

Bamwe mu bakinnyi bakina umukino wo gusiganwa ku maguru kuri uyu wa Gatandatu taliki 10 Werurwe 2018 bategurirwe amarushanwa n’Ishyirahamwe ry’Imikino Ngororamubiri (RAF) rigamije kugerageza abakinnyi bazaserukira u Rwanda mu mikino ihuza ibihugu bivuga Icyongereza ya ’Commonwealth 2018 .

Mu cyiciro cyo kwiruka metero 5000 mu bagabo, Sugira James, witegura kwitabira ni we wanikiye abandi akoresheje iminota 14’04”18 asiga Myasiro usanzwe ajya mu mikino mpuzamahanga wamukurikiye arushijwe amasegonda 34.

Mubirigi Fidèle watorewe kuyobora Ishyirahamwe ry’Imikino Ngororamubiri muri Mutarama 2018 uyu mwaka, yavuze ko we na Komite bayoboye mu ntego bafite ari ugutegura amarushanwa menshi kandi mu byiciro byose kuko ari yo azatuma abakinnyi b’u Rwanda bamenyera guhangana bakanahora mu mwuka wo gushaka intsinzi dore ko ubu n’amakipe arimo kugenda yiyongera.

Mu gusiganwa ku ntera ya metero 5000 ku bagore , Yankurije Martha ukinira APR ni we waje imbere akoresheje iminota 17’38”84 yongera aba n’uwa mbere mu kwiruka ibilometero ibihumbi 10 akoresheje iminota 37’15”74 mu gihe mu bagabo byegukanywe na Hitimana Noël wakoresheje iminota 32’09”31.

Iyi mikino yahuriyemo abakinnnyi baturutse hirya no hino mu gihugu mu turere dutandukanye , Alexis Nizeyimana Christopher Tuyishime na James Sugira (mu bagabo) na Salome Nyirarukundo, Beatha Nishimwe na Alice Ishimwe (mu bagore) nibo bazahagarira u Rwanda mu mikino yo gusiganwa ku maguru.

Iyi mikino izaba mu gihe u Rwanda ruzaba ruri mu bihe byo kwibuka ariko abakinnyi bakaba bazakina bambaye imyenda iriho amagambo agamije guha agaciro Abatutsi bazize Jenocide yakorewe Abatutsi ndetse mbere y’umukino hakazajya hafatwa umunota wo kwibuka.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...