AMAKURU

UKWEZI
RPF

Amagare : U Rwanda rwegukanye imidali irimo n’uwa Zahabu muri Shampiyona ya Afurika

Amagare : U Rwanda rwegukanye imidali irimo n’uwa Zahabu muri Shampiyona ya Afurika
14-02-2018 saa 14:29' | By Muhizi Olivier | Yasomwe n'abantu 1133 | Ibitekerezo

Umuhanda Nyamata-Kigali wiriwe unyuramo ibihangange bya Afurika mu gusiganwa ku magare bituruka mu bihugu 23, amakipe ahagarariye u Rwanda mu bakobwa bato n’abakuru, abahungu bato n’abakuru, yatangiye neza yose yegukana imidali.

Kuri uyu munsi wa mbere w’isiganwa, hari gukinwa isiganwa ryo “Gusiganwa n’ibihe mu ikipe (Team Time Trial)” aho amakipe ahagarariye ibihugu 22 byitabiriye iri rushanwa ari gukora urugendo ruva kuri Gare ya Kicukiro rukagera mu mujyi wa Nyamata mu Bugesera bakongera bakagaruka.

Shampiyona ya Afurika yatangiye kuri uyu wa Gatatu tariki 14 Gashyantare 2018 ,aho yatangijwe n’ isiganwa ryo “Gusiganwa n’ibihe mu ikipe (Team Time Trial)” mu byiciro bitandukanye birimo abangavu, ingimbi, abakobwa bakuru (women elite) n’abagabo (men elite), aho amakipe ahagarariye ibihugu 23 byitabiriye iri rushanwa yakoze urugendo ruva kuri Gare ya Kicukiro rukagera mu mujyi wa Nyamata mu Bugesera bakongera bakagaruka.

Ku ikubitiro abangavu nibo bahagurutse mbere, ahagana saa tatu zuzuye hasiganwa amakipe abiri arimo iy’u Rwanda n’u Burundi kuko arizo zabashije kuboneka.

Abakinnyi b’abangavu b’u Rwanda batatu bakoresheje iminota 36’06’’44 mu kunyonga ibilometero 18,6 begukana umudali wa zahabu naho batatu b’Abarundi bakoresha iminota 50’22’’60 begukana umudali wa silver.

Mu kiciro cy’Ingimbi hitabiriye amakipe atandatu agizwe n’abakinnyi batatu muri buri kipe, yasiganwe ahangana n’ibilometero 18.6, Eritrea isoza ariyo ya mbere ikoresheje iminota 26’07’’12 muri rusange yegukana umudali wa Zahabu, u Rwanda ruba urwa kabiri rusizwe amasegonda 49’’16 rwegukana umudali wa Silver naho Namibia itwara umudali wa bronze isizwe iminota 2’11’’88.

Mu bakobwa bakuru hari hitabiriye amakipe atatu gusa u Rwanda rwahuye n’akazi katoroshye kuko mu bilometero 40 bagombaga gusiganwa, basoje ari aba gatatu basizwe iminota 07’04’’32 inyuma ya Ethiopia yabaye iya mbere ikoresheje 1:02’38’’60 na Eritrea ya kabiri yakoresheje 1:02’47’’35.

Ikipe y’u Rwanda y’abagabo bakuru igizwe n’abakinnyi banditse izina barimo n’abatwaye Tour du Rwanda mu gihugu, yasoje irushanwa iri ku mwanya wa kabiri nyuma ya Eritrea yabaye iya mbere maze yegukana umudali wa Silver.

Abakinnyi bagize amakipe 17 yasiganwe muri iki cyiciro basiganwaga ku ntera y’ibilometero 40, aho bahagurukiraga mu marembo ya Gare ya Nyanza muri Kicukiro bakagera kuri Golden Tulip Hotel i Nyamata bakagaruka aho batangiriye inshuro imwe.

Shampiyona irakomeze ku munsi w’ejo ku wa Kane tariki 15 Gashyantare 2018, aho rizakomeza abakinnyi basiganwa umuntu ku giti cye mu byiciro byose (Contre la montre Individuels) byose bikazabera mu mihanda ya Kicukiro-Nyamata.

Abakobwa b’u Rwanda beguukanye umudali wa Zahabu

Ikipe y’u Rwaga y’abagabo yari izizwe na Mdayisenga, Areruya, Nsengimana ntiyabashije kwegukana umwanya wa mbere

Ikipe y’u Rwanda y’ingimbi ubwo yiteguraga guhaguruka


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...