konka coffee
KONKA

AMAKURU

UKWEZI

Amavubi yabashije kwihagararaho imbere ya Nigeria

Amavubi yabashije kwihagararaho imbere ya Nigeria
15-01-2018 saa 23:38' | By Akayezu Jean de Dieu | Yasomwe n'abantu 1305 | Ibitekerezo

Ikipe y’igihugu y’u Rwanda, Amavubi ibashije kwihagararaho imbere ya Nigeria, mu mukino wabahuza mu ijoro ryo kuri uyu wa Mbere tariki 15 Mutarama 2018, aho aya makipe yombi arangije iminota 90 anganya ubusa ku busa bityo babasha kugabana amanota.

Ni mu mukino wa mbere ikipe y’igihugu Amavubi, ikinnye mu mikino ihuza amakipe y’ibihugu bya Afurika mu bakinnyi bakina imbere mu gihugu (CHAN 2018) iri kubera muri Marroc kuva tariki 13 Mutarama kuzageza tariki 4 Gashyantare 2018.

Igice cya mbere cy’uyu mukino cyarangiye amakipe yombi anganya ubusa ku busa aho ikipe ya Nigeria yazaga imbere mu bijyanye no kwiharira umupira dore ko yari ifite 59 mu gihe u Rwanda rwari rufite 41, Aha kandi ikipe y’Igihugu ya Nigeria yari yabonye koroneri ebyiri n’ubwo zose nta yigeze igira icyo itanga

Iki gice kandi cyagaragayemo ikarita imwe y’umuhondo ku munota wa 32, yahawe Yannick Mukunzi, umukinnyi wo hagati mu ikipe y’igihugu y’u Rwanda, Amavubi

Mu gice cya kabiri kigitangira ku munota wa 47 w’umukino, umutoza Hey w’Amavubi yashyizemo Mico Justin winjiye asimbuye Mubumbyi Barnabe, ndetse no ku munota wa 54 yashyizemo Nshuti Dominipue Xavio wasimbuye Biramahire Abeddy

Umukino waberaga kuri Sitade ya Tanger, waranzwe no kwihagararaho ku mpande zombie ndetse urinda urangira amakipe yombi anganya ubusa ku busa .u Rwanda na Nigeria bari mu itsinda C aho bari kumwe n’amakipe nka Libye, na Guinea Equatorial

Abakinnyi babanjemo ku ruhande rw’Amavubi; Ndayishyimiye Eric, Usengimana Faustin, Iradukunda, Bizimana Djihad, Rutanga Eric, Biramahire Abeddy, Mukunzi Yannick, Niyonzima, Manzi Thierry, Mubumbyi Barnabe, Kayumba

Abakinnyi babanjemo ku ruhande rwa Nigeria; Ikechukwu Ezenw, Osas Okoro, Emeka Atuloma, Daniel James, Orji Okogbue, Eze, Ali, Ifeanyi, Ogbuh, Okpotu,Faleye.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...