AMAKURU

UKWEZI
RPF

Areruya na bagenzi be bageze i Kigali bakirwa mu buryo budasanzwe- Amafoto

Areruya na bagenzi be bageze i Kigali bakirwa mu buryo budasanzwe- Amafoto
23-01-2018 saa 16:31' | By Vincent Nsengiyumva | Yasomwe n'abantu 4054 | Ibitekerezo

Umunyarwanda wa mbere wegukanye isiganwa mpuzamahanga ribera muri Gabon rizwi ku izina rya “La Tropicale Amissa Bongo” Areruya Joseph, yasesekaye mu Rwanda we na bagenzi be bari bajyanye ku gicamunsi cyo kuri uyu wa Kabiri tariki ya 23 Mutarama 2018,bakirwa n’isinzi ry’abantu mu buryo budasanzwe.

Areruya na bagenzi be bakigera ku kibuga cy’indege i Kanombe batunguwe no kubona imbaga y’abantu mu ngeri zitandukanye bagiye kubakira babereka ko bakozwe ku mutima n’intsinzi bakuye muri Gabon ahaberaga iri rushanwa.

Areuya Joseph mu kiganiro kigufi yagiranye n’umunyamakuru wa Televiziyo y’u Rwanda yavuze ko yashimishijwe bikomeye no kubona imbaga y’Abanyarwanda baje kumwakira, ibintu yabonye ko ari igikorwa cyo gushyigikira umukino w’amagare ndetse n’abawukina muri rusange.

Areruya yari kumwe na bagenzi be batanu bari baserukiye u Rwanda barimo Uwizeyimana Bonaventure, Ndayisenga Valens, Munyaneza Didier Ukiniwabo Jean Paul René na Ruberwa Jean, gusa Uwizeyimana Bonaventure na Ndayisenga Valens ntibagize amahirwe yo gusoza irushanwa kubera impanuka bakoze bagahita bavamo.

Areruya Joseph niwe munyarwanda wa mbere ukoze amateka yo kwegukana irushanwa La Tropicale Amissa Bongo, irushanwa rikomeye cyane ku mugabane wa Afurika, aho yabaye uwa mbere akoresheje amasaha 23 iminota 52 n’amasegonda 24.

Areruya Joseph bakunze kwita Kimasa avuga ko azzatuza ari uko yegukanye “Tour de France” isiganwa ryo kuzenguruka u Bufaransa, rikaba riri mu marushanwa y’amagare akomeye cyane ku isi.

Abanyamakuru bari benshi cyane
Areruya yishimiye kubona imbaga y’Abanyarwanya iza kubakira
Ibyishimo byari byose ku bakunzzi b’umukino w’amagare

Ababyeyi ba Arerura bishimira intsinzi y’umwana wabo
Areruya na bagenzi be bakomereje kuri Stade kwishimana n’abakunzi b’amagare


Areruya yakiiwe nk’Umwami

Areruya na bagenzi be baturukanye muri Gabon

Abanyarwanda bagaragaje ko bashyigikiye umukino w’amagare

Ibyishimo byari byose

Amafoto: Muhizi Olivier


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...