konka coffee
KONKA

AMAKURU

UKWEZI

Bamporaki asaba Amavubi kureka gukina ahubwo agahiganwa kugira ngo atange umusaruro

Bamporaki asaba Amavubi kureka gukina ahubwo agahiganwa kugira ngo atange umusaruro
19-12-2017 saa 13:57' | By Vincent Nsengiyumva | Yasomwe n'abantu 404 | Ibitekerezo

Umuyobozi w’Itorero ry’Igihugu Bampiriki Eduard, yavuze ko Abanyarwanda bakwiye kwimika umuco wo guhiganwa ngo kuko ariyo nkingi ya mwamba yabageza kuri byinshi byiza ndetse no gukomeza kwesa imihigo ku rwego mpuzamahanga.

Ibi Hon Bamporiki yabigarutseho mu kiganiro yatanze kuri uyu wa Kabiri tariki 19 Ukuboza 2017, ku munsi wa Kabiri w’Inama y’Umushyikirano, mu kiganiro cyagarukaga cyane ku ruhare rw’urubyiruko mu kubaka igihugu.

Bamporiki avuga ko nk’uko byahoze mu Rwanda rwo hambere Abanyarwanda bakwiye kwimika umuco wo guhiganwa, bakawubakiraho kuko bibafasha kurwanira ishyaka igihugu cyabo kandi bagahora bahiga ko ntawabarwanya ngo abatsinde.

Ibi yabifatiyeho atanga urugero ku ikipe y’igihugu y’umupira w’amaguru ‘Amavubi’ aho yavuze ko abayikinamo bagize umuco wo guhiganwa byababera intwaro nyayo yo gushimisha abanyarwanda.

Yagize ati “[….]Buriya umunsi nk’amavubi yaretse gukina akinjira mu mwuka wo guhiganwa, azatanga ibyishimo. Ariko abantu bagikina, barabira ibyuya, bakore siporo birangirire aho ngaho.”

Amavubi arasabwa kwimika umuco wo guhiganwa

Bamporiki atangaza ibi mu gihe hashize igihe kinini ikipe y’igihugu y’umupira w’amaguru ‘Amavubi’ yitabira imikino mu marushanwa atandukanye ariko ntibagaragaze umusaruro abanyarwanda baba babitezeho.

Inzoga za Siruduwili zikomeje kwangiza urubyiruko

Hon. Bamporiki yanagarutse ku kibazo cy’inzoga izwi ku izina rya Siruduwili zikomeje kwangiza abantu cyane cyane urubyiruko, asaba ko zahagarikwa hatitawe ku mafaranga zinjiza cyangwa zigashyirwa ku giciro cyo hejuru kugira ngo bace intege abantu benshi bazinywa kuko bazigura make.

Yagize ati “Dufite ikibazo kibangamiye urubyiruko cyafatwaho icyemezo kuko inzoga idahenze inyobwa n’abanebwe. Dufite ikibazo gikomeye cya Siruduwile kuko nkiri mu Nteko Abadepite nka 99% bumvaga inyungu zose dukura muri iki kinyibwa igihugu cyazihomba ariko tukagira urubyiruko ruzima. Siruduwili nicyo kinyobwa mu Rwanda kigura make.”

Yunzemo ati “Umwana wakizindukiyeho ntashobora gukora, aka kantu kagura 200 ukanyweye ari kamwe gahita kamwica.”

Bampora iki yasabye Leta y’u Rwanda ko yahagurukira iki kinyobwa ikagica burundu cyangwa hakagira izindi ngamba zifatwa hatitawe ku buziranenge bwacyo cyangwa inyungu iyo ariyo yose cyaba gifitiye igihugu.

Ati “ […]Niba gitanga inyungu kizamurirwe igiciro gihende, uyinywa abe yiriwe ku kazi akorera amafaranga yo kuyigura kuko amafaranga Magana abiri bose barayabona bayasagura bagiye kugura amazi agahita ajya kunywa Siruduwili. Nigomeza guheiratwicira urubyiruko, niba hari ikindi tuyungukamo yahenda cyane ikajya igurwa n’uwifashije, ariko tutarebye neza rwose yatwangiriza.”


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...