konka coffee
KONKA

AMAKURU

UKWEZI

CAF yafatiye ibihano bikomeye ikipe ya Costa Do Sol mbere y’umukino wayo na Rayon Sports

CAF yafatiye ibihano bikomeye ikipe ya Costa Do Sol mbere y’umukino wayo na Rayon Sports
5-04-2018 saa 14:22' | By Muhizi Olivier | Yasomwe n'abantu 5093 | Ibitekerezo

Kuri uyu wa Gatanu tariki 6 Mata 2018, nibwo hateganyijwe umukino uzahuza ikipe ya Rayon Sports na Costa do Sol yo mu gihugu cya Mozambique mu mikino ya Total CAF Conderation Cup. Gusa iyi kipe yafatiwe ibihano bikomeye aho umutoza wayo wungirije ndetse n’abakinnyi babiri bahagaritswe na CAF bityo bakaba batazafatanya n’ikipe yabo.

Uyu mutoza n’abakinnyi babiri bafatiwe ibihano mu gihe bose bari baramaze kugera hano I Kigali bari kumwe n’ikipe yabo ku mpamvu CAF yatanze z’uko bateje imvururu mu mukino batsinze banasezereramo Cape Town City Football Club yo muri Afurika y’Epfo.

Iyi kipe yageze mu Rwanda ku gicamunsi cyo kuri uyu wa Gatatu izanye n’umutoza w’unya Argentina Leonardo Costas izakina na Rayon Sports idafite abakinnyi babiri isanzwe igenderaho harimo rutahizamu Terrence Leonard Tisdell na Hiario Tito Sampaio

Costa do Sol izaba kandi idafite umutoza wayo ushinzwe kongerera imbaraga abakinnyi kuko bose bahanwe n’impuzamashyirahamwe y’umupira w’amaguru CAF ibahagarika imikino ibiri kubera imvururu bateje mu mukino basezereyemo Cape Town City Football Club yo muri Afurika y’epfo .

Kuri uyu wa gatanu tariki 6 Mata 2018 saa 18h kuri stade regional ya Kigali hateganyijwe umukino ubanza w’ijonjora rya gatatu ry’igikombe cya Afurika gihuza amakipe yatwaye ibikombe iwayo ‘Total CAF Confederation Cup 2018’ uzahuza Rayon sports yo mu Rwanda na Clube de Desportos da Costa do Sol yo muri Mozambique. Umukino Costa Do Sol iherutse gukina waranzwe no gushyamirana n’impagaragara zidasanzwe zitumye iyi kipe ihabwa ibihano


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...