konka coffee
KONKA

AMAKURU

UKWEZI

Rayon Sports igarukanye ingufu muri shampiyona nyuma y’ibizazane, yihimura kuri Police FC

Rayon Sports igarukanye ingufu muri shampiyona nyuma y’ibizazane, yihimura kuri Police FC
14-12-2017 saa 17:52' | By Akayezu Jean de Dieu | Yasomwe n'abantu 3159 | Ibitekerezo

Ikipe ya Rayon Sports yagarutse mu mikino ya shampiyona nyuma y’igihe kitari gito yari imaze iri mu kiruhuko yari yarasabye ku mpamvu z’ibizazane yari yahuye nabyo mu minsi ishize. Ku ikubitiro iyi kipe ibashije gutsinda Police FC ibasha kwegukana amanota atatu mu mukino wari witabiriwe n’imbaga y’abafana biganjemo aba Rayon batari baherutse kubona ikipe yabo n’umutoza Karekezi Olivier.

Ikipe ya Rayon Sports yari igarutse mu mikino ya shampiyona nyuma y’igihe kitari gito cyari gishize isabye guhagarika aya marushanwa ku mpamvu z’ibibazo yahuye nabyo birimo kuba yarabuze Katauti witabye Imana azize urupfu rutunguranye. Nyuma y’urupfu rwa Ndikumana Katauti wari umutoza wungirije wa Rayon Sports kandi iyi kipe yahise ihura n’ibindi bibazo by’umutoza wayo mukuru, Karekezi Olivier wahise afungwa akurikiranweho ibyaha Polisi yavuze ko byari bijyanye no kugambanira igihugu akoresheje ikoranabuhanga.

Ibi bibazo byose biri mu byatumye ikipe ya Rayon Sports yandikira ishyirahamwe ry’umupira w’amaguru mu Rwanda FERWAFA isaba ko yaba ihagaritse imikino ya shampiyona ikaba yayisubukuye iyi mikino kuri uyu wa Kane tariki 14 Ukuboza 2017, aho ku ikubitiro yacakiranye na Police FC

Muri uyu mukino wa Rayon n’ikipe ya Police FC wabereye kuri sitade ya Kicukiro aho mu minota y’igice cya mbere ikipe ya Rayon Sports yakinnye uyu mukino idafite abakinnyi bayo bakomeye barimo na Rutahizamu wayo, Nahimana Shasir, dore ko n’umubare w’abakinnyi yari yazanye ku kibuga bari bake kuko ku ntebe y’abasimbura yari ifiteho abakinnyi batatu.

Iyi kipe ya Rayon Sports yagaragaje kurusha bikomeye mucyeba wayo Police ndetse Rayon ikaba yagerageje kubona amahirwe menshi imbere y’izamu ndetse ikanatera mu izamu ariko iki gice cya mbere kikaba cyarangiye nta gitego kibonetse haba no kumpande zombi.

Ku munota hafi wa 13 w’igice cya kabiri ikipe ya Rayon Sports yatsinze igitego cyayo cya mbere cyatsinzwe na Irambona ari nacyo gitego rukumbi cyabonetse muri uyu mukino gihesha Rayon Sports amanota atatu ya shampiyona bityo umutoza Karekezi wari wagarutse ku kibuga nyuma y’iminsi afunzwe abasha kuhatambukana umucyo.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...