konka coffee
KONKA

AMAKURU

UKWEZI

Rayon Sports itsindiwe i Rubavu ihabwa n’ikarita itukura

Rayon Sports itsindiwe i Rubavu ihabwa n’ikarita itukura
20-12-2017 saa 18:41' | By Muhizi Olivier | Yasomwe n'abantu 1206 | Ibitekerezo 2

Umukino wahuzaga Rayon Sports na Etincelles i Rubavu urangiye iyi kipe yari iwayo itsinze Rayon Sports yari imaze imikino ibiri yikurikiranya itsinda kandi ifite abakinnyi batuzuye ndetse n’ibibazo by’imvune bitandukanye. Nyuma yo kugerageza kwihagararaho, birangiye Rayon Sports itakaje amanota itsinzwe igitego kimwe ku busa.

Wari umukino wavuzweho byinshi cyane wabaye kuri uyu wa Gatatu taliki 20 Ukuboza 2017 i Rubavu kuri stade Umuganda. Abafana bari benshi ariko ntibaryohewe n’umukino kuko Etincelles abakinnyi bayo batinzaga umukino cyane, baryama mu kibuga bya hato na hato, kuko n’ubwo batsinze bigaragara ko no kunganya babyifuzaga.

Igice cya mbere cyarangiye ari ubusa ku busa ndetse nta n’amahirwe buri kipe yabonye ahambaye ngo ntiyabyaze umusaruro. Mu gice cya kabiri cy’umukino, Etincelles yageregeje kwiharira umukino ndetse itangira kotsa igitutu Rayon Sports cyane ariko ntibyabyara umusaruro mu minota ya mbere y’igice cya kabiri.

Ahagana mu minota ya 80, byagaragaraga ko amakipe yombi ashobora kunganya amanota ariko ku munota wa 83 Etincelles yabonye igitego cya mbere cyatsinzwe na Mumbele Saiba Claude ku mupira wari uvuye mu b’inyuma b’iyi kipe. Umukino wakomeje ariko bongeraho imonota 5 y’inyongera, gusa byarangiye ibaye 10 kubera kuryama mu kibuga kwa hato na hato kw’abakinnyi ba Etincelles, gusa Rayon Sports yari ku gitutu cyane byanatumye ku munota w’100 Manishimwe Djabel ahabwa ikarita itukura kubera ikosa yari akoreye Hakim.

Rayon Sports igumanye amanota 14 irushwa na APR FC inota rimwe, iyo kipe y’abakeba yo ikaba yerekeje k Nyamagabe aho izakina n’ Amagaju kuri uyu wa Kane tariki 21 Ukuboza 2017, ariko Rayon Sports yo ikaba ifite umukino w’ikirarane izahuramo na Musanze FC .

PHOTO: Uwihanganye Hardy/Ruhagoyacu 


INKURU ZA :
Tanga Igitekerezo
Ibitekerezo 2
oyee Kuya 20-12-2017

Wao, na reyon c yatsindwa? Icyakora icyombonye nuko uyu munyamakuru Afana rayon, gusa ntakabigaragaze kuriya kdi Apr ntakayijyendeho kuko siyo yakinnye na reyon uyumunsi. Niyo abonye yavuga kuruta zakiyovu zirimbere ya reyon?

jo Kuya 20-12-2017

Étincelle irakoze cyane, Bakame niyumve nawe uko ahora atinza umukino uko bibabaza

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...