konka coffee
KONKA

AMAKURU

UKWEZI

Rayon Sports yahagaritse imikino ya Shampiyona ku mpamvu z’ibibazo biyugarije

Rayon Sports yahagaritse imikino ya Shampiyona ku mpamvu z’ibibazo biyugarije
21-11-2017 saa 06:11' | By Akayezu Jean de Dieu | Yasomwe n'abantu 8745 | Ibitekerezo 5

Ikipe ya Rayon Sports ifatwa nk’iya mbere mu kugira abafana benshi mu Rwanda yasabye kumara igihe kigera ku byumweru bitatu idakina imikino ya shampiyona ku mpamvu z’ibibazo biyugarije birimo kuba iherutse kubura umutoza wayo wungirije Ndikumana Hamad Katauti wapfuye azize urupfu rutunguranye, ndetse na Olivier Karekezi wari umutoza mukuru wayo akaba ari mu maboko ya Polisi aho akurikiranweho ibyaha birimo ibyo yakoze hifashishijwe ikoranabuhanga.

Mu kiganiro n’abanyamakuru ubwo iyi kipe yari imaze kunganya ubusa ku busa na Mukura VS, Kapiteni wayo Ndayishimiye Jean Luc bakunze kwita Bakame yavuze ko iminsi barimo itari myiza ariko nk’abantu bakuze bazagenda bagerageza kubyitwaramo neza.

Yagize ati “Nkeka ko ibibazo twahuye nabyo ariko nibyo umugabo ni uhura n’ibibazo kandi akabyivanamo neza, ariko uyu munsi twakinnye neza n’ubwo twabuze gutera mu izamu ariko twabyitwayemo neza rero twabuze nyakwigendera Katauti n’umutoza mukuru akaba adahari urumva ko ni ibintu byatugizeho ingaruka ariko burya turimo abantu bakuze turicara tubikemure kandi imikino itaha tuzayitwaramo neza.”

N’ubwo Bakame yagerageje guca ku ruhande iby’ibi bibazo barimo muri iyi minsi ari nayo ishobora kuba intandaro y’ukunganya umukino wabahuje na Mukura VS, kuri uyu wa Mbere nibwo FERWAFA yagaragaje koko ko ikipe ya Rayon Sports yanditse ibaruwa isaba kuba ihagaritse imikino mu rwego rwo kugirango ibashe kubanza kureba uko yakemura ibi bibazo ari nabyo FERWAFA yaje kwemerera iyi kipe nk’uko bigaragara mu ibaruwa Ikinyamakuru Ukwezi.com gifitiye kopi.

Iyo baruwa igira iti “Mpereye ku ibaruwa yo ku wa 20/11/2017 mwanditse musaba gusubika imikino yari iteganijwe kuva tariki 20/11/2017 kugeza 10/12/2017 kubera ikibazo mwatugaragarije. Turabamenyesha ko mubyemerewe nk’uko mwabisabye, mukazamenyeshwa igihe iyo mikino izakinirwa”

Ikipe ya Rayon Sports iri mu bihe by’ibizazane byabimburiwe no kubura uwari umuzamu wayo wungirije, Mutuyimana Evaliste umaze amezi abiri atabarutse ndetse na Ndikumana Hamadi Katauti wapfuye urupfu rutunguranye mu ijoro ryo ku wa Kabiri tariki 14 Ugushyingo 2017.

Ibi bizazane kandi byaherekejwe n’ifungwa ry’umutoza mukuru w’iyi kipe Karekezi Olivier watawe muri yombi kuri uyu wa Gatatu tariki 15 Ugushyingo 2017, aho bimwe mu byaha akurikiranweho birimo kugambanira igihugu nk’uko byemejwe na Polisi y’u Rwanda mu kiganiro yagiranye n’ikinyamakuru Ukwezi.com ku itabwa muri yombi ry’uyu mutoza wa Rayon Sports.

Ibi byaha Polisi ikurikiranyeho Karekezi kandi nibyo byatumye mu ijoro ryo kuri iki Cyumweru nyuma gato y’umukino wari umaze guhuza Rayon Sports na Mukura VS, abakinnyi babiri ba Rayon Sports ; Mukunzi Yannick na Rutanga Eric bahise bajyanwa kuri Polisi kugira ngo bifashiswe mu iperereza ku idosiye ya Karekezi Olivier. ariko bakaba bahise basubira muri gahunda zabo cyane ko Polisi yemeza ko ibyo bari bahamagariwe atari ukubafunga ndetse ntan’icyaha na kimwe bakurikiranweho.


INKURU ZA :
Tanga Igitekerezo
Ibitekerezo 5
Hakizimana innocent Kuya 26-11-2017

Gusenyuka byo ntibirimo,gusa dukomeze twifatanye na rayon muriyiminsi yugarijwe nibyago bitandukanye!!ukuri kuzatinda kujye ahagaragara...

dora Kuya 23-11-2017

Jyewe nababajwe nabatuvuyemo katauti naramukundaga cyane ,naho ibandi ngo gufungwa ntacyo bimbwiye kuko namakosa ya rayon nakajagari ihorana, ubona ngo karekezi ajyere muri rayon ahite yanjyirika bene kariyakajyeni? Indisprine gusa.

kwezi Kuya 21-11-2017

N’abafana bandi mskie turabihanganishije

ELIAS Kuya 21-11-2017

Dukomeze twese hamwe nk’abafana ba Rayon sports kwihanganisha byumwihariko ikipe ya Rayon sports kandi ko nyuma yibyo tuzakomeza kwiyubaka.

kuku Kuya 21-11-2017

nogusenyuka byashoboka mwitonde ahubwo

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...