AMAKURU

UKWEZI

Rayon Sports yatsinze itababariye Costa Da Sol mu mvura nyinshi cyane

Rayon Sports yatsinze itababariye Costa Da Sol mu mvura nyinshi cyane
6-04-2018 saa 20:39' | By Muhizi Olivier | Yasomwe n'abantu 5606 | Ibitekerezo 1

Kuri Stade ya Kigali Nyamirambo, kuri uyu wa Gatanu tariki 6 Mata 2018, Rayon Sports yari yakiriye Costa Da Sol yo muri Mozambique mu mukino ubanza wa CAF Confederation Cup mu mukino waranzwe n’imvura nyinshi kuva umukino utangiye kugeza urangiye.

Ni umukino watangiye ubona amakipe yombi yigana ariko Rayon Sports ikanyuzamo igasatira gusa ntibigire icyo bitanga. Costa Da Sol nayo yanyuzagamo igasatira ariko bikaba iby’ubusa. Byasabye ko haboneka penalite ku ikosa ryari rikorewe Hussein Chabalala ku munota wa 44 w’igice cya mbere.

Umusifuzi amaze kuyemeza, hahise haba imvururu ku ruhande rwa Costa Da Sol, abatoza n’abakinnyi batemera iyo penaliti. Chabalala yahise atera penaliti arayinjiza maze igice cyambere kirangira ari igitego kimwe cya Rayon Sports ku busa bwa Costa Da Sol.

Igice cya kabiri Costa Da Sol yatangiye ubona isatira cyane ariko amahirwe ibonye ntiyabyaze umusaruro kuko Bakame yababeraga ibamba, naho Rayon Sports yo ikagerageza gukinira mu kibuga hagati. Muhire Kevin yatunguye umuzamu wari uhagaze nabi aramuroba igitego cya kabiri kiba kirabonetse ku munota wa 85.

Umukino wakomeje ariko ubona abakinnyi ba Costa Da Sol bavuye mu mukino cyane. Rayon Sports yakomeje gusatira, ndetse ku munota wa 89 Chabalala yabonye igitego cya 3 ku burangare bw’umuzamu umukino urangira ari ibitego 3 ku busa bwa Costa Da Sol, hakaba hategerejwe umukino wo kwishyura Rayon Sports izakinira hanze.


INKURU ZA :
Tanga Igitekerezo
Ibitekerezo 1
alegisi Kuya 6-04-2018

mbega amakuru akennye.Uyu munyamakuru ndamukemanze

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...