AMAKURU

UKWEZI

Umukino wa Handball ugiye kubona inkunga iturutse mu Bufaransa na Misiri

Umukino wa Handball ugiye kubona inkunga iturutse mu Bufaransa na Misiri
12-03-2018 saa 19:29' | By Muhizi Olivier | Yasomwe n'abantu 672 | Ibitekerezo

Perezida mushya w’umukino wa Hand ball mu Rwanda (Ferwahand) yahishuye ko bari mu biganiro n’andi ma federasiyo yo ku mugabane w’I Burayi nk’iyo mu Bufaransa ndetse na Misiri yo ku mugabane wa Afurika aho biri gutanga icyizere ko bashobora gutanga inkunga yo gushyigikira uyu mukino.

Ibi byatangajwe ku wa Gatandatu taliki 10 Werurwe 2018, nyuma y’amatora ya komite nshya y’abayobozi b’isihyirahamwe ry’umukino wa Handball mu Rwanda (Ferwahand) aho Utabarutse Théogène yongeye kugirirwa icyizere cyo gukomeza kuyobora mu gihe cy’imyaka 4 yungirijwe na Tuyambaze Beathe.

Perezida Utabarutse Théogène aganira n’ikinyamakuru Ukwezi.com yatangaje ko hari ibiganiro bamazemo iminsi n’andi ma federasiyo yo mu bihugu bitandukanye birimo n’ibyo ku mugabane w’i Burayi ndetse ko hari n’inkunga bamaze kwemererwa.

Yagize ati “Ubu turi mu biganiro n’andi ma federasiyo.Ubu twasinyanye na Federasiyo ya Misiri y’ubufatanye, si ibyo gusa kandi kuko ubu turi mu biganiro na federasiyo y’Ubufaransa aho batwemereye inkunga yo guhugura abatoza bacu ndetse bakabaha n’umwanya wo kwimenyereza mu makipe ya hariya. Murabizi kandi ko ubwo Minisitiri wa siporo wo mu Bufaransa aheruka ino aha yadusezeranyije ko bazatwubakira ikibuga cya Handball kiri ku rwego mpuzamahanga ku buryo natwe dushobora kwakira amarushanwa mpuzamahanga.”

Utabarutse Théogène yakomeje avuga ko hari icyizere gifatika cy’uko muri iyi myaka 4 hagiye gushyirwa imbaraga mu gukomeza gukora imishinga yari yaratangijwe.

Utabarutse Théogène niwe wari umukandida umwe rukumbi ku mwanya wa Perezida wa Ferwahand, maze aza no kongera kugirirwa icyizere, atorwa ku majwi 25 kuri 25.

Tuyambaze Beathe wari usanzwe ahagarariye abagore muri Ferwahand, na we yagiriwe icyizere muri aya matora, atorerwa umwanya wa Visi Perezida ku majwi 13/25, ijwi rimwe imbere ya Kagabo bari bahanganiye uyu mwanya.

Mu yindi myanya yatorewe, Ngarambe Jean Paul na we yongeye gutorerwa kuba umunyamabanga ku majwi 26 kuri 26 mu gihe Garuka Dieudonne yatorewe kuba umucungamutungo ku majwi 25/26.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...