konka coffee
KONKA

AMAKURU

UKWEZI

Urukiko rutegetse ko Gacinya Dennis afungwa iminsi 30 y’agateganyo

Urukiko rutegetse ko Gacinya Dennis afungwa iminsi 30 y’agateganyo
4-01-2018 saa 17:00' | By Vincent Nsengiyumva | Yasomwe n'abantu 3707 | Ibitekerezo

Urukiko rw’ibanze rwa Nyarugunga rumaze gutegeka ko rwiyemezamirimo Gacinya Chance Denis akomeza gufungwa by’agateganyo iminsi 30 mu gihe hategerejwe ko urubanza ruzaburanishwa mu mizi.

Gacinya Dennis akurikiranweho ibyaha yakoze bifitanye isano n’ikompanyi ye ku giti cye yitwa MICON, birimo kubeshya uwo bagiranye amasezerano mu bijyanye n’isoko ry’ibikorwa remezo ndetse no guhimba no gukoresha inyandiko mpimbano.

Uyu mugabo usanzwe ari Visi Perezida wa Rayon Sports, ubushinjacyaha bumukekaho ibyaha byakozwe mu masezerano iyi sosiyete ya MICON yari yagiranye n’Akarere ka Rusizi arimo kukazanira amapoto y’umuriro w’amashanyarazi, aho yagombaga kuzana amapoto 830, amasezerano akaba yari afite agaciro ka miliyoni 636 Frw ubushinjacyaha bukaba bugaragaza ko yishyuwe sosiyeti ye itararangizza imirimo ndetse ngo akishyurwa amafaranga arenze ay’imirimo yari imaze gukorwa.

Ubushinjacyaha buvuga ko Gacinya yishyuwe miliyoni 495 Frw mu gihe igenzura ryakozwe n’Ikigo cy’Igihugu gishinzwe Ingufu (REG) ryagaragaje ko igenagaciro ry’imirimo yari yakoze yari kwishyurwa miliyoni 253Frw gusa.

Mu iburanisha rishize, Umushinjacyaha agendeye kuri raporo z’umugenzuzi mukuru w’imari ya Leta za 2014-2015 n’iya 2015-2016 zigaragaza ko Gacinya yahombeje Leta amafaranga menshi muri iri soko kuko nyuma ye ryahawe abandi bakarikora ku mafaranga macye bakarirangiza.

Umucamanza yavuze ko Gacinya akomeza gufungwa kuko hari impamvu zikomeye iperereza zagezeho ku byaha akurikiranweho zituma akekwaho ibyaha byongeye ngo ibyo aregwa bihanishwa igifungo kirenze imyaka ibiri.

Gacinya Chance Dennis arafungwa iminsi 30 mu gihe hategerejwe iburanishwa mu mizi


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...