konka coffee
KONKA

AMAKURU

UKWEZI

VIDEO: Byari amarira menshi n’agahinda mu muhango wo gushyingura Ndikumana Hamadi Katauti

VIDEO: Byari amarira menshi n’agahinda mu muhango wo gushyingura Ndikumana Hamadi Katauti
16-11-2017 saa 06:44' | By Chief Editor | Yasomwe n'abantu 12374 | Ibitekerezo 4

Mu muhango wo gushyingura Ndikumana Hamadi Katauti wapfuye urupfu rutunguranye mu ijoro ryo kuwa Kabiri rishyira kuwa Gatatu, wabaye mu masaha y’umugoroba wo kuri uyu wa Gatatu tariki 15 Ugushyingo 2017, aho amarira n’agahinda, ubuhamya bw’ibyaranze Katauti n’ubutwari yagiye agaragaza, biri mu by’ibanze byagaragaye cyane muri uyu muhango.

Ni umuhango witabiriwe n’abakinnyi ba Rayon Sports, abayobozi bayo n’abafana bayo, abakunzi b’umupira w’amaguru muri rusange, abakinanye na Katauti n’abandi bahujwe mu buryo butandukanye n’umupira w’amaguru. Olivier Karekezi batozanyaga Rayon Sports we ntiyahagaragaye, cyane ko yatawe muri yombi ku gicamunsi cyo kuri uyu wa Gatatu, icyakoze umugore we yahagaragaye afite amarira n’agahinda kenshi, bamwe bibajije ko yagatewe n’uruhurirane rw’urupfu rwa Katauti n’ifungwa ry’umugabo we.

Imodoka y’Umuryango w’Abayisilamu yazanye umurambo iwuvana mu buruhukiro bw’ibitaro

Umurambo wa Katauti ugezwa mu rugo aho yari atuye

Ndayishimiye Eric Bakame, Kapiteni wa Rayon Sports akaba n’umuzamu wayo

Byari agahinda n’amarira ku nshuti n’abo mu muryango wa Ndikumana Hamadi Katauti

Muri uyu muhango kandi hari umuryango wa Katauti urimo ababyeyi be n’abavandimwe be baturutse i Burundi no muri Tanzania. Umuhango wo kumusezera wabereye i Nyamirambo hafi ya Stade ya Kigali (Regional), muri ibyo bice hakaba hari hari imodoka nyinshi cyane kuburyo n’imodoka zavaga muri Nyabugogo zijya i Nyamirambo cyangwa izavaga i Nyamirambo zigana Nyabugogo, byazigoye cyane kubona inzira kuko abantu bari bakikije urugo Katauti yabagamo baruzura bagera no mu muhanda.

Paul Muvunyi (uri hagati), Perezida wa Rayon Sports yari muri uyu muhango

Murenzi Abdallah wigeze kuyobora Rayon Sports akaba yaranabaye Mayor wa Nyanza

Abayobozi ba Rayon Sports mu ngeri zitandukanye bari bahari

Abakinnyi nabo bitabiriye umuhango wo guherekeza uwari umutoza wabo wungirije

Mu gusezera Katauti, abantu benshi basutse amarira agaragaza agahinda batewe n’urupfu rwe. Hatanzwe ubuhamya bw’uburyo yapfuye bitunguranye, nta burwayi bizwi yari afite ndetse nta n’ikibazo yabanje kugaragaza mbere, cyane ko yapfuye avuye gukoresha abakinnyi ba Rayon Sports imyitozo. Mu buhamya bwatanzwe kandi, hanatangiwemo ubutumwa bw’uko buri wese agomba guhora yiteguye, akicisha bugufi kandi akabanira abandi neza kuko byanze bikunze igihe kiba kizagera nawe agasezera ku isi.

REBA VIDEO Y’UKO BYARI BYIFASHE HANO:

Butangiye kuba mu kabwibwi, umurambo wa Katauti wajyanywe mu kigo ndangamuco cy’idini ya Islam cy’ahazwi nko kwa Kaddafi, baramusabira hanyuma bahita bajya kumushyingura mu irimbo ry’i Nyamirambo, mu gice gishyingurwamo abayoboke ba Islam. Mu muhango wo kumushyingura wabaye ninjoro, hasobanuwe uburyo mu muco w’iri dini bashyingura umuntu nta sanduku bamushyizemo, kuko ngo mu gitaka yavuyemo ari naho aba agomba gusubira, icyo bakora bakaba bamushyira mu ishuka ubundi bakarambika mu mva bakarenzaho itaka.

Nta mitako, nta kubaka n’amakaro cyangwa ibindi bihambaye bigaragaza imirimbo, kuko bemera ko ibyo byose ntacyo biba bimaze. Nta gice cy’abifite n’abakene kiba mu irimbi ry’abayisilamu, kuko ngo abantu bose baba ari kimwe. Muri uyu muhango, hanasobanuwe ko hari abajya babeshyera Islam bakavuga ko basatura umurambo cyangwa indi mihango, ariko ngo uretse kumwoza no kumusiga umubavu nta kindi kidasanzwe bakora nk’uko ibihuha bigenda bikwirakwizwa.

Vedaste , Visi Perezida wa FERWAFA nawe yari ahari

Umunyamakuru Jean Lambert Gatare (uri hagati) yagiye ajyana kenshi na Katauti bagiye mu mikino mpuzamahanga. Nawe yamuherekeje bwa nyuma

Umuhango wo gusezera no guherekeza bwa nyuma Katauti witabiriwe n’abantu benshi b’ingeri zitandukanye


INKURU ZA :
Tanga Igitekerezo
Ibitekerezo 4
dama Kuya 16-11-2017

Ayiweeee, Uwiteka we urabyemeye koko katauti turamubuze? amarira ni menshi yabamukundaga. yewe ahaaa rurarya pe!!

dama Kuya 16-11-2017

Ayiweeee, Uwiteka we urabyemeye koko katauti turamubuze? amarira ni menshi yabamukundaga. yewe ahaaa rurarya pe!!

sage Kuya 16-11-2017

RIP, nkwifurije iruhuko ridashira

ndumunyarwanda Kuya 16-11-2017

Katawuti arambabaje nurupfu yapfuye rurababajepe, Imana Imwakire mubaYO ntakindi narenzaho. alikorwose ministeri ya sport hamwena ferwafa muzagene umusi wavuba (ataribyo gutegereza umwakawose) tumwunamire mucyubahiro akwiliye kuko tutabiboneyumwanya uhagije (kubera imihango yidini yabarizwagamo yagombaga gushyingurwa uwomusi nyine kandinabyo turabyubaha rwose) mudushakire umusi twifatanye numuryango we, twibuke kd tuzilikane ibigwi bye kuko nukuli uyumugabo yakoreyikigihugu kurusha abanyarwanda benshi kandiyari umunyamahanga, birababaje kuba agiye atabonye ubwenegihugu yasabye kandiyararanzwe noguharanira ishema ry’urwanda. Aliko ntakundi, jye isomo ibibyose binsigiye nuko imbere y’Imana ntakamaro kubwenegihugu kandi kwisi siwacu ahubwo ubwenegihugu bwabuliwese nukuba Umwana w’IMANA YAKUREMYE kandi Izanagucyura iwacu hanyaho mw’ijuru. RIP Katawuti our Football national hero (utubereye intwari nkuko che guevara yabay’intwari ya Cuba kandi atariho akomoka), we’ll never forget you. Twasabagako muli byabihembo prezida wa republika Azagenera abakoreye ikigihugu, nawe basi bazamwibuke, ministeri yumuco rwose ibizilikane ikimusabire

IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...