AMAKURU

UKWEZI

Abakinnyi b‘Amavubi babuze imodoka ibavana I Kanombe batega ‘Taxi Voiture’ -Amafoto

Abakinnyi b‘Amavubi babuze imodoka ibavana I Kanombe batega ‘Taxi Voiture’ -Amafoto
26-01-2018 saa 23:11' | By Akayezu Jean de Dieu | Yasomwe n'abantu 3628 | Ibitekerezo 5

Ikipe y’igihugu Amavubi ivuye gukina imikino ya CHAN, yageze I Kigali ku mugoroba wo kuri uyu wa Gatanu tariki 26 Mutarama 2018 aho benshi mu banyarwanda batunguwe ndetse bakababazwa n’uburyo aba bakinnyi bageze ku kibuga cy’Indege I Kanombe bakabura imodoka yo kubatwara bagatega Imodoka rusange zitwara abagenzi zizwi nka ‘Taxi Voiture’

Abakinnyi bageze i Kanombe babanza kubura imodoka ihabakura kuko iyari yateguwe yatinze kuhagera bamwe batangira gutega Taxi Voiture zo ku kibuga cy’indege nyuma bisi yari yateguwe kubajyana ihagera bose bamaze kwirwanaho isubirirayo aho ntan’umwe itwaye.

Abari ku kibuga cy’indege babonye bigayitse kwakira gutyo Ikipe y’igihugu. Ndetse hari n’abakomeje gukoresha imbuga nkoranyambaga mu kugaragaza ko bigayitse cyane kubona ikipe ivuye guhagararira igihugu yakirwa mu buryo nka buriya.

Ikipe y’igihugu Amavubi, yari yitabiriye imikino yo guhatanira igikombe cy’amakipe y’ibihugu ku bakinnyi bakina imbere muri shampiyona (CHAN), Gusa iyi kipe ntiyaje guhirwa n’iyi mikino dore ko yasezerewe itageze muri kimwe cya kane aho yavuyemo itsinzwe na Libya yayitsinze igitego kimwe nacyo ikagitsinda habura amasegonda 34 ngo umukino urangire.


INKURU ZA :
Tanga Igitekerezo
Ibitekerezo 5
claudine Kuya 31-01-2018

Mbega ngo ndababara...
Bariya n’abana bacu kdi batsindwa bagira bari baduhagarariye. Twagombye kububaha no kubashyigikira aho kubapfobya, kuko nabo ntibari banze gutsinda. Iyo tubimenya ngo ababashyigikiye tubashakire imodoka nzima, batahe nta pfunwe

Aim4 Kuya 31-01-2018

Degaule se niwe wababwiye gutsindwa?ahubwo abakinnyi nibakure mu mutwe kuko abenshi wagira baba barimo kwifotoza nkaba miss, ibintu byose bisaba kubanza ugakura mu bitekerezo ubundi imyitozo n’ubundi bufasha biza nyuma.

fkaa Kuya 27-01-2018

ntawudatsirwa ubuse nibo batasye gusa mwarangiza nibitange bakunde igihugu kd ababibigisha batabikora

RUTOs Kuya 27-01-2018

NTACYO NAMAZE NTA GACIRO BADUHESHA BAHORA BATSINDWA NIZERE KO NTA PRIME BAZABAHA.

ganfi Kuya 27-01-2018

nguwo degaule mushaka kwimika , njye mbona abakinnyi bagakwiye kwisabira perezida kwegza iriya mandwa ya Apr, sinon ntaho tujya

English
IGURIRE
Reba Ibindi Byinshi
netlink
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...