AMAKURU

UKWEZI
ubumwe

APR FC itsinze Rayon Sports 2-0 [uko umukino wagenze n’ akari ku mutima w’ umutoza]

APR FC itsinze Rayon Sports 2-0 [uko umukino wagenze n’ akari ku mutima w’ umutoza]
21-12-2019 saa 17:20' | By Nsanzimana Ernest | Yasomwe n'abantu 3501 | Ibitekerezo 1

Ikipe ya APR FC itsinze ikipe ya Rayon Sports mu mukino wa 90 mu myaka 25 ishize iha abafana bayo ibyishimo bikomeye bya Noheli n’ ubunani.

Ni umukino wari utegerejwe n’ Abanyarwanda batari bake dore ko wari umaze icyumweru cyose uvugwa cyane mu itangazamakuru.

Igitego cya mbere ya Byiringiro Lague cyabonetse ku munota wa 20 ku shoti riremereye yateye mu izamu ahawe pase nziza na Fitina Omborenga wavanye umupira muri santere.

Ku munota wa 34, APR yabonye kufura nziza Ombolenga ayitera mu izamu rya Kimenyi wa Rayon Sports akozaho intoki umupira ujya muri koruneri.

Sarpong Michael kizigenza muri Rayon Sports yagerageje gushaka uko yakwishyura igitego batsinzwe na APR ariko biranga abura imipira igice cya mbere kirangira Rayon Sports yibuze mu mukino.

Umuvugizi wa APR FC, Kazungu Clever yagaragaje ko igitego batsinze cyaturutse ku buswa bw’ umuzamu wa Rayon Sports Kimenyi Yves umwe mu bo APR yirukanye. Ati “Nta gitangaza twebwe turahura n’ abakinnyi twasezereye, ni kamparampaka y’ uko badashoboye. Igitego twabonye abari hanze babonaga aho umukinnyi agiye gutera kuko iyo umukinnyi ari umunyendyo cyangwa ari umunyemoso uba ubona aho agiye gutera”.

Kazungu yakomeje avuga iminota 45 ya mbere yarangiye aribwo abakinnyi basa n’ abatangiye kuko batigeze baruha.

Kamwe mu dushya twagaragaye muri uyu mukino, ni uko Manzi Thierry na Mangwende batagaragaye ku rutonde rw’ abazabanzamo, ariko bakaba binjiye mu kibuga bakanabanzamo, ndetse Thierry akabona igitego.

Umuvugizi wa Rayon Sports, Nkurunziza Jean Paul yavuze ko 15 ya mbere Rayon Sports yatangiye ikina neza iza gukora ikosa ku munota wa 15 APR FC irayikosora bituma yibura mu mukino aho yemeye ko mu minota 45 y’ igice cya mbere APR yarushije.

Ku munota wa 50 w’ umukino Byiringiro Lague watsinze igitego cya mbere cya APR FC yateze Rutanga ahita ahabwa ikarita ya kabiri y’ umuhondo ikurikirwa n’ umutuku ava mu kibuga APR FC isigarana abakinnyi. Ikarita ya mbere yayihawe amaze gutsinda igitego ubwo yakuragamo umupira yerekana umupira wanditseho ko ari ‘umukirisitu’.

Mu minota mike yakurikiyeho Djabel Manishimwe wa APR yahawe ikarita y’ umuhondo kubera gutinza umukino.

Ahita asimburwa na Butera Andrew yasimbuye naho Claude Niyomugabo nawe asimburwa na Mushimiyimana Muhammed.

Ku munota 61 Iranzi Jean Claude wa Rayon Sports yasimbujwe, ku munota wa 64 Radu ku ikosa yakoreye Mangwende yahawe ikarita y’ umuhondo, ku munota wa 69 Rayon Sports yahushije igitego cyari cyabazwe cy’ ishoti riremereye rya Michael Sarpong.

Mugunga Yves yateye ishoti mu rushundura rw’ izamu rya Kimenyi Yves abafana ba APR FC bajya kwishima batamenye ko yari yaraye oruje.

Manzi Thierry, kapiteni ku munota wa 89 washimangiye itsinzi ya APR FC kuri kufura yateye igonga ipoto yinjira neza mu izamu rya Kimenyi Yves.

Umukino urangiye Kazungu uvugira APR FC ati “Ntabwo twatsindwa n’ abakinnyi twasezereye.

Umutoza wa APR yashimiye abantu bose bagize uruhare muri iyi nsinzi barimo abakinnyi, abafana, itangazamakuru n’ abayobozi .

Abajijwe ibanga ryatumye bihagararaho imbere ya Rayon Sports nyuma yo guhabwa ikarita itukura igice cya kabiri kigitangira ati “Ikarita itukura si ikibazo”.

APR FC irangije imikino ibanza itaratsindwa umutoza ati “Ni agahigo kataherukaga kandi twarabiharaniye”.


INKURU ZA :
Tanga Igitekerezo
Ibitekerezo 1
NYIRABIZEYIMANA Jacqueline Kuya 21-12-2019

APR irakaze iduhaye umwaka mushya wa 2020 erega aba rayon nibave mubyo barimo bategure umupira ngo kwivuza muri Congo !!!!?? Hhhhhhhh umupira ntabwo ukinwa n’abaganga ngaho ngirango babonyeko ntacyo bibamariye nubutaha bazabijyemo Maze tubahage sha ikindi kishe rayon ni bariya baviye yasakunye ngo iri guhangana natwe, ntubamenyeko twe twagize abakinyi ba rayon, nayo igura abirukanwe na APR ibyo bintu ntibitandukanye koko icyokora nabo bagire noheli nziza

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...