AMAKURU

UKWEZI
ubumwe

AS Kigali igeze ku mukino wanyuma isezereye Rayon Sports kuri penaliti

AS Kigali igeze ku mukino wanyuma isezereye Rayon Sports kuri penaliti
29-06-2019 saa 18:26' | By Nsanzimana Ernest | Yasomwe n'abantu 1034 | Ibitekerezo

AS Kigali isezereye Rayon Sports mu mikino wa ½ cy’ igikombe cy’ amahoro ihita ibona itike yo kugera ku mukino wa nyuma uteganyijwe mu ntangiriro z’ ukwezi gutaha.

Muri uyu mukino wo kwishyura wabaye kuri uyu wa 29 Kamena 2019 hitabajwe amapenaliti kuko umukino ubanza n’ uwo kwishyura byarangiye amakipe yombi anganya ibitego bitatu kuri bitatu.

Ikipe ya Rayon Sports ntabwo yahiriwe na Penalitik kuko byarangije yinjije 2 kuri 4 za AS Kigali.

AS Kigali izamenya ikipe bazahura kuri iki Cyumweru ubwo Police FC izaba yisobanura na Kiyovu Sports mu wundi mukino wa 1/2. Kiyovu yari yatsinze 2-0 mu mukino ubanza.

Umukino wa nyuma uzaba tariki ya 4 Nyakanga mu gihe ikipe izegukana iri rushanwa ari yo izahagararira u Rwanda muri CAF Confederation Cup 2019/20.

Ntamuhanga Tumaini Tity, kapiteni wa AS kigali, niwe wateye penaliti ya mbere arayinjiza nubwo umunyazamu Mazimpaka yari yakurikiye.

Penaliti ya mbere ya Rayon Sports yatewe na Nyandwi Saddam ayinjiza neza.

Penaliti ya kabiri ya AS Kigali yatewe na Benedata Janvier ayinjiza neza mu izamu rya Rayon Sports.

Penaliti ya kabiri ya Rayon Sports yatewe na Bukuru Christophe ayitera mu maboko y’ umuzamu wa AS Kigali arayifata.

Penaliti ya gatatu ya AS Kigali yatewe na Ntate Djumaini ayitera hejuru y’ izamu.

Penaliti ya gatatu ya Rayon Sports Manishimwe Djabel yayiteye hejuru kure. Bishira Latif yinjije penaliti ya kane ya AS Kigali. Donkor Prosper yinjiza penaliti ya kane ya Rayon Sports.

Nsabimana Eric Zidane atsinda penaliti ya gatanu ya AS Kigali ari nayo yayihaye gukomeza ku mukino wa nyuma kuko yari imaze gutsinda 4-2.


AS Kigali ubwo yishimiraga ko igeze ku mukino wa nyuma itsinze Rayon Sports


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...