konka coffee
KONKA

AMAKURU

UKWEZI

Abafana ba Rayon Sports bari mu gihirahiro, umutoza Minnaert yirukanwe burundu

Abafana ba Rayon Sports bari mu gihirahiro, umutoza Minnaert yirukanwe burundu
12-06-2018 saa 10:37' | By Akayezu Jean de Dieu | Yasomwe n'abantu 3613 | Ibitekerezo

Uwari umutoza mukuru w’ikipe ya Rayon Sports, Ivan Jackie Minnaert yirukanwe burundu ku mirimo ye nyuma yo kuvugwaho umusaruro muke no kuba indandaro y’umwuka mubi umaze iminsi uri muri iyi kipe. Ku ruhande rw’abafana bo ngo bari mu gihirahiro kuko iki cyemezo cyafashwe n’ubuyobozi babona wafashwe mu gihe kidakwiye

Ibi bije nyuma y’uko iyi kipe iherutse gutsindwa n’Amagaju 2-1 ari nabwo ibintu byaje kuba bibi kuko nk’uko nawe yabitangarije abanyamakuru kugirango iyi kipe itware igikombe cya shampiyona biri kure nk’ukwezi.

Itangazo ryashyizwe ku rubuga rw’iyi kipe ryagiraga riti “Nyuma y’inama yahuje abayobozi ,abatoza n’abakinnyi n’abahagarariye abafana yabereye Kimihurura ku wa gatatu tariki ya 6 Kanama , uyu mubiligi yasabwe kugarura ibintu mu buryo ariko siko byagenze kuko nyuma y’iminsi ibiri yongeye kunganya na Musanze FC 0-0 .

Kuri uyu wa mbere tariki ya 11 uyu mutoza n’abamwungirije ntibakoresheje imyitozo kuko yakoreshejwe n’umutoza w’abazamu Nkunzingoma Ramadhani.

Abatoza bungirije nabo ariko Romami Marcel na Jeannot Watakenge nabo babaye bahagaritswe by’agateganyo.Ibi bibaye mu gihe Rayon sports yitegura umukino ukomeye uzayihuza na APR FC kuri uyu wa gatatu tariki ya 15 Kanama 2018 kuri stade Amahoro.”

Umuyobozi uhagarariye abafana muri iyi kipe ya Rayon Sports, Jean Claude yabwiye RBA ko ku ruhande rw’abafana nabo bari ku byumva gutyo ashimangira ko ayo makuru nawe yayabwiye n’abantu atigeze abihamirizwa n’ubuyobozi bw’ikipe.

Claude yakomeje avuga ko uyu mwanzuro niba koko wafashwe waba ufashwe mu gihe kidakwiye

Yagize ati “Ku ruhande rw’abafana niba uwo mwanzuro wafashwe aricyo gisubizo waba ufashwe impitagihe kuko igikombe cya shampiyona bigaragara ko tutakirimo cyane ariko ntabwo naca abantu intege kuko ntawe uzi ejo uko bizagenda hari igihe wabona rwose amasengesho y’Imana mwabona binashobotse ko n’abandi babura amanota tugakomeza"

Claude yakomeje avuga ko kuba ibintu byari bigeze ku rwego rw’aho abakinnyi baba batakiyumvamo umutoza wabo nabyo biba ari ikibazo gikomeye cyane.

Yakomeje avuga ko n’ubwo batakwishimira ko ari impitagihe kuri ubu icyo bifuza ni uko bakongera kwishima bakabona ikipe yabo itsinda.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...