AMAKURU

UKWEZI
cheno 2020

Abakinnyi Meddie Kagere na Migi bashobora kwangirwa gusubira muri Tanzania

Abakinnyi Meddie Kagere na Migi bashobora kwangirwa gusubira muri Tanzania
23-03-2020 saa 13:38' | By Twagirayezu Vincent | Yasomwe n'abantu 1121 | Ibitekerezo

Abanyarwanda babiri bakina muri shampiyona ya Tanzania, Meddie Kagere na Mugiraneza Jean Baptiste uzwi nka Miggie bamaze kubwirwa ko batazemererwa gusubira muri iki gihugu nyuma y’uko shampiyona yaho ibaye ihagaritswe kubera icyorezo cya Covid-19 bakaza mu Rwanda kuri uyu wa Gatandatu.

Aba bari baje mu Rwanda gufata akaruhuko no gusura imiryango yabo nyuma yo guhabwa impushya n’abaperezida b’amakipe bakinamo ubwo shampiyona yari ihagaritswe ariko umuyobozi w’ishyirahamwe ry’umupira w’amaguru muri Tanzania (TFF) akaba yavuze ko batigeze bemerera abayobozi b’amakipe gutanga impushya ku bakinnyi b’abanyamahanga gutaha mu bihugu byabo kuko nta wamenya niba batazazana Coronavrus ubwo bazaba bagarutse mu gihugu.

Umuyobozi w’Ishyirahamwe ry’umupira w’amaguru muri Tanzania (TFF), Wellace Karia avugana n’ ikinyamakuru ‘Mwanaspoti’ cyo muri Tanzania yagize ati ”Twibukije abayobozi b’amakipe ko nta kiruhuko twatanze kuko hari amakuru numvise ko bamwe baba hari abakinnyi bagiye guha uruhushya ngo babe bisubiriye mu bhugu bakomokamo, ikintu gitandukanye na gahunda za Leta.”

Yakomeje agira ati ”Nibabareka bakagenda turahita tubwira ubuyobozi ntibuzabemerere kugaruka mu gihugu no mugihe iminsi 30 twihaye izaba ishize kuo nta wamenya uko bazaba bahagaze.”

Wellace Karia yakomeje avuga ko batihaye ukwezi kumwe konyine ahubwo bagomba kumara igihe kinini birinze ahubwo ko ukwezi bagufashe kugirango Covid-19 idakomeza gukwirakwira bityo ibikorwa bisanzwe bikongera bigakorwa harimo na shampiyona.

Mugiraneza Jean Baptiste Migi na Meddie Kagere babwiwe ko bashobora kutazemererwa gusubira muri Tanzania kubera gutinya Coronavirus nyuma y’uko bagarutse mu Rwanda

Yavuze ko kurekura abakinnyi bakajya mu bihugu byabo hatazwi ingamba ibyo bihugu byafashe bashobora kugaruka bikarangira banduje abandi bityo ko byaba ari nko kwikinisha.

Usibye Meddie Kagere ukina muri Simba SC na Migi wo muri KMC, shampiyona ya Tanzania ikinamo abandi bakinnyi b’Abanyarwanda nka Haruna Niyonzima na Sibomana Ptrick Papy ba Yanga Africans hakaba hariyo n’umutoza Thierry Hitimana utoza Namungo FC iri ku mwanya wa kane ku rutonde rw’agateganyo naho Meddie Kagere akaba ariwe rutahizamuuyoboye abandi mu bitego.

Umunyarwanda Meddie Kagere niwe mukinnyi ukunzwe n’abafana benshi muri Tanzania

Sibomana Patrick Papy we yagumye muri Tanzania nyuma y’uko shampiyona ihagaze kubera Coronavirus


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...