konka coffee
KONKA

AMAKURU

UKWEZI

Abakinnyi barimo n’umunyarwanda bagiye mu mikino ya Commonwealth muri Australia batangiye gutoroka

Abakinnyi barimo n’umunyarwanda bagiye mu mikino ya Commonwealth  muri Australia batangiye gutoroka
12-04-2018 saa 17:27' | By Akayezu Jean de Dieu | Yasomwe n'abantu 4249 | Ibitekerezo

Abakinnyi 5 b’Abanyafurika barimo umunyarwanda , Abagande n’abanya-Sierra Leone, bari baserukiye ibihugu byabo mu mikino ngororamubiri ya Commonwealth iri kubera mu gihugu cya Austalie batorotse kuri uyu wa Kane baza biyongera ku bandi 8 bo muri Cameroun bivugwa ko bari bamaze iminsi mike batorotse.

Aba bakinnyi ngo baburiwe irengero kuri uyu wa Kane tariki 12 Mata 2018, aho bivugwa ko atari ubwa mbere muri iyi mikino Abanyafurika batoroka bakazafatwa nyuma igihe cy’impushya z’inzira (Visa) zabo cyararangiye

Umuyobozi nshingwabikorwa w’imikino ya Commonwealth, David Grevemberg, yemereye ikinyamakuru JeunneAfrique dukesha iyi nkuru koko ko aba bakinnyi babuze aho ngo bashobora kuba batorotse dore ko atari ubwa mbere abanyafurika bakora ibi muri iyi mikino ibaye ku nshuro ya 21.

Yakomeje avuga ko bafite serivisi yita ku bantu bafite visa yo kuba muri Australia aho iyi mikino ibera, anavuga ko kugeza igihe iki kibazo cyafata intera hakaba hari uwaba yarataye visa ye ku bushake cyangwa akaba yarasabye ubuhungiro, bagiye gukomeza gukurikirana iki kibazo.

Umunyarwanda waburiwe irengero ni uwitwa Nsengiyumva Jean Paul utoza Abaterura Ibiremereye bafite Ubumuga.

Mu kiganiro yagiranye na Ukwezi.com, ushinzwe itangazamakuru mu ishyirahamwe ry’imikino ya Olimpiki mu Rwanda Fidele Kajugiro Sebarinda yemeje ko ari umuntu umwe gusa udahari ko bamubuze kuva kuwa Kabiri tariki 10 Mata 2018.

Yagize ati " Utari muri Village hamwe n’abandi kugeza ubu ni umutoza wa Para Powerlifting(Abaterura Ibiremereye bafite Ubumuga) witwa Nsengiyumva Jean Paul.Yabuze kuva kuwa Kabiri tariki 10 Umukinnyi we arangije irushanwa. Uwo niwe munyarwanda wenyine utari muri village."

Aba bakinnyi b’ibimikino ngororamubiri babuze nyuma y’iminsi ibiri abakinnyi ba ba Squash bakomoka muri Sierra Leone barimo uwitwa Olivier Matam Matam, Arcangeline Fouodji na Petit Minkoumba. Hari kandi ngo n’abakina imikino y’iteramakofe babuze barimo Christian Ndzie Tsoye, Ulrich Yombo, Arsene Foko, Christelle Ndiang et Simplice Fotsala bose bakaba baragiye bahagarariye ibihugu bya Afurika


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
Ibitekerezo
IZINDI NKURU WASOMA
Loading...