AMAKURU

UKWEZI
ubumwe

‘Abapfobya Jenoside ntibagomba kudutsinda’ Bernard Makuza

‘Abapfobya Jenoside ntibagomba kudutsinda’ Bernard Makuza
24-06-2019 saa 17:46' | By Nsanzimana Ernest | Yasomwe n'abantu 869 | Ibitekerezo

Perezida wa Sena y’ u Rwanda Bernard Makuza witabiriye imikino yo kwibuka Alphonse Rutsindura avuga ko abapfobya Jenoside yakorewe abatutsi nta ruvugiro bafite.

Yabitangaje kuri uyu wa 23 Kamena ubwo hasozwaga amarushanwa yo kwibuka intwari y’ umukino wa Volley Ball yishwe muri Jenoside yakorewe abatutsi.

Bernard Makuza yavuze ko kwibuka ari umuco w’ Abanyarwanda ashima ishuri rya Seminari nto Virgo Fedelis ryateguye ku nshuro ya 17 irushanwa ryo kwibuka Alphonse Rutsindura wari umurezi muri iri shuri wanagize uruhare mu guteza imbere umukino wa Volleyball. Rutsindura yabaye umukinnyi , umusifuzi utabera n’ umutoza w’ uyu mukino.

Agaruka ku kamaro ko kwibuka Jenoside yakorewe abatutsi, Bernard Makuza yavuze ko abapfobya Jenoside yakorewe abatutsi badakwiye gutsinda Abanyarwanda bafite umutima muzima.

Yagize ati “Kwibuka nanone bidufasha gukomeza kuzirikana icyo dusabwa, nkatwe abariho cyane cyane ko ari twebwe dufite ubushobozi bwo kubungabunga amateka y’ ibyabaye. Kubungabunga amateka ya Jenoside ni ibintu bifasha. Abagerageza guhakana cyangwa gupfobya Jenoside yakorewe abatutsi ntabwo bagomba kudutsinda kuko nta ruvugiro bafite”.

Bernard Makuza usanzwe ari umukunzi w’ imikino yashimye irushanwa ryo kwibuka Alpfonse Rutsindura avuga ko ari igikorwa cy’ ubumwe kuko gihuza abantu b’ ingeri zinyuranye kuva ku bana kugera ku bakuze. Yavuze ko ari uburyo bwiza bwo kwigisha abakiri bato.

Yagize ati “Urwego rw’ imikino, ni uburyo nk’ ubu twari dukwiye gukora kugira ngo umwana muto uri muri primaire abone uwo yashaka kwigana ukora ibyiza”.

Aya marushwa yo kwibuka Alphonse Rutsindura yasojwe kuri iki Cyumweru tariki 23 Kamena 2019 yibanze ku mukino w’ amaboko Volleyball.

Mu mashuri abanza igikombe cyatwawe n’ ishuri rya Mugombwa ryigwamo n’ abana b’ impunzi. Mu kiciro rusange Tronc Commun igikombe cyatwawe na Petit Seminaire Vilgo Fidelis ari naho imikino yabereye, mu kiciro cya kabiri cy’ ayisumbuye igikombe cyatwawe na G.O.de Butare.

Mu bakuze ikiciro cy’ abagabo, Ikipe ya REG niyo yatwaye igikombe itsinze UTB amaseti 3-0. Yahembwe 350 000 by’ amafaranga y’ u Rwanda. Mu kiciro cy’ abagore ikipe ya Rwanda Revenue niyo yatwaye igikombe ihembwa amafaranga y’ u Rwanda ibihumbi 300.

Abategura iri rushanwa bavuga ko umwaka ushize igihembo gikuru cyari amafaranga ibihumbi 300 none ubu cyabaye ibihumbi 350, ngo bafite intego yo kongera igihembo cy’ irushanwa uko bazagenda barushaho kubona abaterankunga.


Perezida wa Federasiyo ya Volley Ball yari yitabiriye aya marushanwa

Alphonse Rutsindura wishwe muri Jenoside yasize umwana umwe w’ umukobwa utaragaragaye muri iri rushanwa kuko aba muri Leta zunze ubumwe za Amerika.

Abazi Alphonse Rutsindura bavuga ko yakundaga imikino ariko ntiyihanganire ko hagira umunyeshuri utsindwa amasomo yitwaje ko ari umukinnyi wa Volleyball.


Perezida wa Sena Bernard Makuza niwe watangije umukino wa nyuma mu bagabo, anashyikiriza REG igikombe

RRA yishimiye igikombe yatsindiye


Ibihembo muri iyi mikino biracyari hasi: hagati y’ ibihumbi 10-350


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...