AMAKURU

UKWEZI
cheno 2020

Amakipe y’igihugu yose yasabwe kutitabira imikino Mpuzamahanga

Amakipe y’igihugu yose yasabwe kutitabira imikino Mpuzamahanga
12-03-2020 saa 22:04' | By Twagirayezu Vincent | Yasomwe n'abantu 340 | Ibitekerezo

Minisiteri ya siporo yasabye ko amakipe yose aturuka mu Rwanda yagombaga kwitabira amarushanwa yo hanze y’igihugu yareka kuyitabira kubera ubwoba bw’icyorezo cya Coronavirus.

Mu itangazo Minisiteri ya siporo mu Rwanda yashyize hanze kuri uyu wa 12 Werurwe, yaburiye amakipe yose y’igihugu kureka kwitabira amarushanwa yose yari ateganyije kwitabira hanze y’igihugu mu rwego rwo kwirinda ubwandu bw’agakoko ka Coronavirus.

Itangazo iyi minisiteri kandi ryatanzwemo izi nama rinagaragaza ko amarushanwa yo mu Rwanda yo agomba gukomeza ariko abakinnyi n’abafana bagakomeza kubahiriza amabwiriza yashyizweho agamije kwirinda iki cyorezo.

Abategura amarushanwa Mpuzamahanga yagombaga kubera mu Rwanda kandi basabwe kureba niba adashobora gusubikwa akazashyirwa mu yandi matariki.

Biteganyijwe ko muri uku kwezi mu Rwanda mu karere ka Rubavu hazabera irushanwa Mpuzamahanga rya Beach Volleyball mu bagore ryo gushaka itike yo kujya mu mikino Olempique izabera i Tokyo mu Buyapani

Abakinnyi, abayobozi, n’abafana bazajya bajya aho imikino izajya ibera bazajya babanza kubahiriza gahunda z’isuku zategnyijwe mbere y’uko binjira aho imikino ibera. Muri izo gahunda harimo gukaraba intoki kimwe n’izindi nama zose zagiye zitangwa n’inzego zitandukanye no kubahiriza amabwiriza yose atangwa n’abaganga mu rwego rwo kwirinda iki cyorezo kimaze gukwirakwira mu bihugu bitandukanye ku isi.

Iri tangazo rije rikurikira ayandi mabwiriza iyi minisiteri yari yarashyizeho harimo nko kudasuhuzanya kw’abakinnyi n’abatoza mbere na nyuma y’umukino, ndetse no kujya hasuzumwa neza niba imwe mu mikino ishobora kujya iba nta bafana ku bibuga.

Itangazo kandi rikurikiye iryashyizwe hanze na Minisiteri y’uburezi ku munsi w’ejo tariki ya 11 Werurwe 2020 risaba ibigo byose by’amashuri yaba abanza n’ayisumbuye kutazongera guhuriza abanyeshuri hamwe mu gitondo (Morning assemblies) ngo bahabwe amabwiriza nk’uko byari bisanzwe.

Ni nyuma y’uko kuwa Kabiri w’iki cyumweru hari hakwirakwiye amakuru avuga ko ikipe y’igihugu y’umupira w’amaguru itakitabiriye irushanwa rya CHAN 2020 rizabera muri Cameroon muri Mata uyu mwaka ariko ishyirahamwe ry’umupira w’amaguru mu Rwanda ryaje kuyahakana.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...