AMAKURU

UKWEZI
pax

Amavubi y’ u Rwanda yatsinze Ingwe za Congo azisanze iwabo

Amavubi y’ u Rwanda yatsinze Ingwe za Congo azisanze iwabo
19-09-2019 saa 07:05' | By Nsanzimana Ernest | Yasomwe n'abantu 1078 | Ibitekerezo

Ikipe y’Igihugu y’u Rwanda ‘Amavubi’ y’abakina imbere mu gihugu, yatsinze iya Repubulika ya Demokarasi ya Congo ibitego 3-2 mu mukino wa gicuti wabereye kuri Stade des Martyrs i Kinshasa

GORILLA GAMES

Ni mu mukino wabaye kuri uyu wa Gatatu tariki 18 Nzeri 2019, mu gihe amakipe yombi yitegura ijonjora rya nyuma ryo gushaka itike ya CHAN 2020 izabera muri Cameroun. U Rwanda ruzahura na Ethiopia mu gihe RDC izakina na Centrafrique mu mpera z’icyumweru.

Ingwe za Congo nizo zafunguye amazamu ku munota wa 42 ku gitego cyatsinzwe na Ava Dongo. Nyuma y’ iminota 3 Manzi Thierry w’ Amavubi yahise yishyura iki gitego ku munota wa 45, amakipe yombi ajya kuruhuka anganya igitego kimwe ku kindi.

Ku munota wa 59 Sugira Ernest yabonye igitego cya 2 cy’ Amavubi, hashize iminota 3 Nsabimana Eric ahita atsindira Amavubi icya 3.

Ikipe ya Repubulika ya Demukarasi ya Kongo ‘Leopard’ yakomeje gushakisha uko yakwishyura ikinyuranyo cy’ ibitego 2, bigeze ku munota wa 86 ibona igitego cyayo cya 2 gitsinzwe na Beya Joel, umukino urangira ari ibitego 3 by’ u Rwanda kuri 2 bya RDC.

Uyu ni umukino wa Gatatu Amavubi atsinze yikurikiranya nyuma yo gutsindira Seychelles iwabo 3-0, ikanayitsindira i Kigali 7-0.

Mashami Vincent, Umutoza w’ Amavubi mbere yo gukina n’ Ingwe za RDC yari yabwiye abasore be ko bibagirwa ko batsinze Seychelles kuko ikipe bagiye gukina nayo ikomeye.


INKURU ZA :
Tanga Igitekerezo
Ibitekerezo
canal Rwanda
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...