konka coffee
KONKA

AMAKURU

UKWEZI

Ba bayobozi ba Ferwafa bashinjwa guha umusifuzi ‘ruswa’ batawe muri yombi

Ba bayobozi ba Ferwafa bashinjwa guha umusifuzi ‘ruswa’ batawe muri yombi
13-09-2018 saa 12:30' | By Vincent Nsengiyumva | Yasomwe n'abantu 3382 | Ibitekerezo 3

Umunyamabanga Mukuru w’Ishyirahamwe ry’Umupira w’Amaguru mu Rwanda, Ferwafa, ndetse n’Ushinzwe Amarushanwa, batawe muri yombi mu iperereza ku byaha bakekwaho byo guha ruswa umusifuzi ku mukino wahuje ikipe y’u Rwanda Amavubi n’Inzovu za Côte d’Ivoire .

Aba bagabo batawe muri yombi ni Eric Ruhamiriza ushinzwe amarushanwa muri FERWAFA na Francois Regis Uwayezu, usanzwe ari Umunyamabanga mukuru muri iki kigo.

Umuvugizi w’Urwego rw’igihugu rw’Ubugenzacyaha,RIB, Mbabazi Modetse yahamirije Ukwezi.com ko aba bagabo bombi batawe muri yombi, kugira ngo bakurikiranwe icyaha bakekwaho cyo gutanga ruswa.

Yagize ati “Nibyo koko Eric Ruhamiriza ushinzwe amarushanwa na Francois Regis Uwayezu, Umunyamabanga mukuru muri Ferwafa batawe muri yombi ku wa Gatatu.”

Yakomeje avuga ko Ubugenzacyaha burimo gukurikirana ibyaha aba bagabo bakekwaho.Kugeza ubu bombi bafungiye aho RIB ikorera ku Kimihurura.

Umunya-Namibia Jackson Pavaza wasifuye umukino w’u Rwanda na Côte d’Ivoire wabaye ku Cyumweru, niwe wareze Umunyamabanga Mukuru w’Ishyirahamwe ry’Umupira w’Amaguru mu Rwanda, Ferwafa, Francois Regis Uwayezu na Eric Ruhamiriza Ushinzwe Amarushanwa abashinja ko bashatse kumuha ruswa ngo abogamire ku ikipe y’u Rwanda Amavubi.

Jackson Pavaza yari yahise atanga ikirego mu ishyirahamwe ry’umupira w’amaguru muri Afurika CAF, ashinja abo bayobozi ko bashatse guha ruswa abasifuzi yari ahagarariye ngo babogamire ku ikipe y’Amavubi.

Mu kiganiro Pavaza yagiranye n’ikinyamakuru Namibian Sun, yavuze ko abo bayobozi bamuzaniye amafaranga muri anvelope y’ikaki, akababwira ko adashobora kwemera impano ivuye kuri buri wese, kuko n’amategeko ya CAF atabyemera.

Yagize ati “Amafaranga yari afungiye mu ibahasha,sinigeze ngerageza kuyabara ngo menye umubare wayo gusa yari menshi. Nahise mbabwira ko ntayemera na gato kuko ntajya nemera impano mbere y’umukino nk’uko amategeko ya CAF abivuga. Narabyanze mbimenyesha CAF.”

JPEG - 37.3 kb

Eric Ruhamiriza ushinzwe amarushanwa muri Ferwafa, ari mu maboko y’Ubugenzacyaha

JPEG - 38.7 kb

i Umunyamabanga mukuru muri Ferwafa,Francois Regis Uwayezu nawe akurikiranweho gutanga ruswa

Umusifuzi Jackson Pavaza ahamya ko abayobozi ba Ferwafa bamuhaye rusdwa akayanga


INKURU ZA :
Tanga Igitekerezo
Ibitekerezo 3
hagenimana sprian Kuya 15-09-2018

ubutabera bukore akazi kabwo niba aribyo nukudusebya kandi turashoboye

Natasha Kuya 14-09-2018

@Rwanda. C’est toi qui es malheureux idiot. Uyu musifuzi aratubeshyera ahubwo kuri ma equipes menshi, ahora avuga ko yanze ruswa kugirango ashimwe.

Rwanda Kuya 13-09-2018

Ako aha murwanda koko habu ruhago canke haba ruswa ngo niruhago?Ruswa yavuzw itangwa muburundi murarahira ngo ntimwayitanz kumukino wa Rayon sport none bigez muri equipe nationale amavubi?vous etes malheureux...

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
  • uwayo https://umuseke.rw/amp/turarakaye-twabuze-epfo-na-ruguru-abagore-babwira-paapa.html

    ">nsubize#Igiraneza https://umuseke.rw/amp/turarakaye-twabuze-epfo-na-ruguru-abagore-babwira-paap
  • IZINDI NKURU WASOMA
    Loading...