konka coffee
KONKA

AMAKURU

UKWEZI

Bombori bombori irakomeje muri Rayon Sports, kapiteni Bakame yahagaritswe igihe kitazwi

Bombori bombori irakomeje muri Rayon Sports, kapiteni Bakame yahagaritswe igihe kitazwi
10-06-2018 saa 07:35' | By Muhizi Olivier | Yasomwe n'abantu 8651 | Ibitekerezo 2

Kapiteni w’ikipe ya Rayon Sports, Ndayishimiye Eric bakunda kwita Bakame, yahagaritswe igihe kitazwi muri Rayon Sports azira kuyigambanira no guta akazi.

Muri Rayon Sports hashize igihe hari umwiryane imbere mu ikipe, abakinnyi bamwe bafitanye ibibazo n’umutoza ndetse bamwe basinye ku ibaruwa isaba ko yasezererwa, kandi muri abo basinye kuri iyo baruwa na Bakame arimo.

Kuri uyu wa Kane tariki 7 Kamena 2018 nibwo hasakaye amajwi ya Bakame aganira n’undi muntu amubwira ko yigumiye mu rugo ko atajyanye n’abandi i Musanze kwitegura umukino wa Musanze FC, anavugamo ko azongera kugira umuhate umuzungu yagiye, aha yavugaga umutoza we.

Muri ayo majwi kandi humvikanamo Bakame avuga ko impamvu batagitsinda ari uko batakibasha gutegura umukino kuko abahoze babikora batakibikora kuko bose bacitse intege, ngo umutoza azasiga ikipe habi kuko Musanze nibatsinda ibibazo bizacyemuka.

Nyuma y’inama y’igitaraganya yabaye kuri uyu wa Gatandatu tariki 9 Kamena 2018, mu myanzuro yafashwe harimo ko Bakame ahagarikwa mu gihe kitazwi mu ikipe ndetse agahita ashyikirizwa ibaruwa imuhagarika.

Kugambanira ikipe no guta akazi nta mpamvu niyo makosa yatumye ubuyobozi bwa Rayon Sports buhagarika Ndayishimiye Eric Bakame. Undi wahagaritswe ni Djemba usanzwe ari Kit Manager w’iyi kipe. Djemba yahagaritswe igihe gito mu gihe na we ngo agikorwaho iperereza.

Bakame ni umunyezamu wa Rayon Sports kuva muri 2013 ndetse akaba afatira n’ikipe y’igihugu Amavubi, uretse kuba ari kapiteni, yari asanzwe ari no mu bakinnyi bitwaraga neza muri Rayon Sports.


INKURU ZA :
Tanga Igitekerezo
Ibitekerezo 2
Bugingo Kuya 10-06-2018

Ngirango ahari rayon yaba izize kuba ubwo iherutse kujya gukina South Africa na Mozambique yarafanwe bikomeye na RNC kuko wabonaga ari benshi cyane bafite amabendera ya rayon yanditseho RNC

sibomana pierre Kuya 10-06-2018

hahaha,ntagitangaza kilimo,jye ndabishime

English
IGURIRE
Reba Ibindi Byinshi
konka Monaco
IBARUWA ZA JORIJI
ora
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...