AMAKURU

UKWEZI
cheno 2020

Mu Rwanda amwe mu makipe yamaze guhagarika amasezerano y’abakinnyi kubera covid-19

Mu Rwanda amwe mu makipe yamaze guhagarika amasezerano y’abakinnyi kubera covid-19
16-04-2020 saa 18:17' | By Twagirayezu Vincent | Yasomwe n'abantu 954 | Ibitekerezo

Mu gihe ibikorwa by’imikino byose byahagaze ndetse abantu bose bakaba basabwa kuguma mu rugo kubera icyorezo cya Covid-19 amakipe atandukanye mu Rwanda akomeje kuvugwamo ibibazo by’ubukene bwatumye amwe ahagarika amasezerano y’abakinnyi bayo kubera kubura imishahara yo kubahemba kuko aho yakuraga ubushobozi hose hahagaze.

Mu mpera z’icyumweru gishize nibwo ikipe ya Musanze FC yatangaje ko ihagaritse amasezerano y’abakinnyi n’abatoza muri ibi bihe bya Coronavirus, kuri ubu na Espoir yo mu karere ka Rusizi ikaba yahagaritse amasezerano y’abakinnyi bose n’abatoza by’agateganyo.

Nk’uko bigaragara mu ibaruwa yashyizweho umukono na Perezida w’ikipe ya Espoir, Kamuzinzi Godefroid, yandikiye abakinnyi n’abatoza b’iyi kipe abamenyesha ashingiye ku cyorezo cya Covid-19 cyatumye ibikorwa by’imikino n’imyidagaduro bihagarara mu gihugu hose harimo na shampiyona y’umupira w’amaguru muri uyu mwaka w’imikino wa 2019-2020 kandi hakaba hatazwi igihe icyorezo kizarangirira,

Ashingiye kandi ko umushahara w’ari ingurane y’akazi kakozwe kandi ibi bihe (bya Coronavirus) turimo akaba ari nta kazi gahari kajyanye no gukorera ikipe ya Espoir, ubuyobozi bw’ikipe buhagaritse amasezerano yabo y’akazi by’agateganyo guhera tariki 15 Mata 2020 kugeza igihe ibikorwa by’imikino bizongera gusubukurirwa.

Aya makipe abiri afashe umwanzuro wo guhagarika amasezerano mugihe bivugwa ko hari ayandi byitezwe ko mu minsi mike nayo araza kuyahagarika bitewe no kubura icyo babahemba ndetse hakaba hari amwe afite abakinnyi bamaze amezi arenga atatu batazi ikitwa umushahara, impamvu zose zigahuriza ku kuba yarakuragaubushobozi mu baterankunga bayo no ku bibuga ubu bikaba byarahagaze.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...