AMAKURU

UKWEZI
cheno 2020

Champions League: Umukino wa PSG na Dortmund uzaba mu muhezo kubera Coronavirus

Champions League: Umukino wa PSG na Dortmund uzaba mu muhezo kubera Coronavirus
9-03-2020 saa 18:29' | By Twagirayezu Vincent | Yasomwe n'abantu 345 | Ibitekerezo

Kuri uyu wa Mbere Polisi yo mu gihugu cy’Ubufaransa yatangaje ko umukino wa 1/8 cy’irushanwa rya champions League uzahuza Paris Saint Germain na Borussia Dortmund ejo uzaba mu muhezo mu rwego rwo kwirinda kwanduzanya icyorezo cya Coronavirus.

Ikipe ya Paris Saint Germain yo mu Bufaransa niyo izakira Borussia Dortmund yo mu Budage mu mukino wo kwishyura, ikaba yari yarayitsinzwe na Dortmund ibitego 2-1 mu Budage mu mukino ubanza.

Mu minsi ishize ubuyobozi bw’ikipe ya Paris Saint Germain bwari bwatangaje ko bwakoze ibishoboka byose kugirango uyu mukino uzagende neza ariko kuri uyu wa mbere polisi yafashe icyemezo cyo guheza abafana kugirango hirindwe icyorezo cya Coronavirus gikomeje gukwirakwira muri iki gihugu.

Ni nyuma y’uko umukino iyi kipe yagombaga gukina na Strasbourg mu mpera z’iki cyumweru gishize muri shampiyona usubitwe ku mpamvu z’iki cyorezo,

Imibare itangwa n’ishami ry’Umuryango w’Abibumbye ryita ku buzima, OMS igaragaza ko kugeza ubu mu gihugu cy’Ubufaransa icyorezo cya Coronavirus kimaze kwandurwa n’abasaga ibihumbi 11, iki gihugu kikaba gikurikira ibindi bihugu bifite ubwandu bwinshi nk’Ubushinwa ari nabwo bwa mbere, Ubutaliyani na Iran.

Undi mukono bivugwa ko ushobora kuzabera mu muhezo ni uzahuza ikipe ya Barcelona yo mu gihugu cya Espagne na Napoli yo mu Butaliyani, nawo ukaba ushobora kuzabera kuri stade Nou Camp ya Barcelona nta mufana n’umwe urimo kubera iki cyorezo

umukino wa Paris Saint Germain na Dortmund uzaba nta mufana n’umwe uri muri stade


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...