AMAKURU

UKWEZI
pax

FERWAFA yatangaje igihe shampiyona y’icyiciro cya mbere 2020/21 izatangirira

FERWAFA yatangaje igihe shampiyona y’icyiciro cya mbere  2020/21 izatangirira
6-08-2020 saa 14:20' | By UKWEZI | Yasomwe n'abantu 723 | Ibitekerezo

Ishyirahamwe ry’Umupira w’Amaguru mu Rwanda, FERWAFA, ryatangaje ko hatagize igihinduka, Shampiyona y’umupira w’amaguru mu Rwanda y’icyiciro cya mbere (2020-2021) izatangira tariki 30 Ukwakira 2020.

Ni nyuma yuko shampiyona y’umupira w’amaguru y’icyiciro cya mbere mu Rwanda ya (2019-2020) yasojwe itarangiye kubera icyorezo cya COVID-19, birangira igikombe bagihaye ikiye yarifite amanota menshi kurutonde ariyo yari APR FC.

Mu itangazo FERWAFA yashyize ku rubuga rwayo rwa interineti, bavuga ko ingengabihe y’amarushanwa yizweho mu bushishozi bwa komite nyobozi yayo binyuze mu nama yateranye tariki 31 Nyakanga 2020.

FERWAFA yateguye uko amarushanwa azakinwa ihereye ku ya 2019-2020 yasubitswe atarangiye arimo icyiciro cya kabiri muri shampiyona y’abagabo aho bazakina imikino ya kamarampaka (umukino umwe).

Imikino ya kamarampaka mu cyiciro cya kabiri mu bagabo izabera mu mujyi wa Kigali ku bibuga bizatangazwa mu minsi iri imbere kuva tariki ya 2-17 Ukwakira 2020.

Imikino itararangiye mu cyiciro cya mbere n’icya kabiri mu bagore izakinwa kuva tariki ya 3 Ukwakira 2020 izarangire tariki 20 Ukuboza 2020.

Shampiyona y’icyiciro cya mbere 2020-2021 mu bagabo izatangira tariki 30 Ukwakira 2020 irangire tariki 20 Gicurasi 2021.

Shampiyona y’icyiciro cya kabiri mu bagabo izatangira tariki 31 Ukwakira 2020 irangire tariki 29 Gicurasi 2021.

Irushanwa ry’Ubutwari 2021 rizakinwa kuva tariki 19 Mutarama kugeza tariki ya 1 Gashyantare 2021 mu gihe igikombe cy’Amahoro 2021 kizakinwa kuva tariki mu mpera z’icyumweru cya tariki ya 4-5 kugeza tariki ya 5 Kamena 2021.

Shampiyona 2021 y’icyiciro cya mbere mu bagore izatangira tariki ya 19 Gashyantare 2021 irangire muri Nyakanga 2021 mu gihe icyiciro cyayo cya kabiri kizatangira tariki 20 Gashyantare 2021 kugeza kuwa 24 Nyakanga 2021.

Yanditswe na Kubananeza Willy Evode


INKURU ZA :
Tanga Igitekerezo
Ibitekerezo
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA