AMAKURU

UKWEZI
ubumwe

Hatahuwe amanyanga afasha u Bufaransa gutwara ibikombe by’ Isi muri Football

Hatahuwe amanyanga afasha u Bufaransa gutwara ibikombe by’ Isi muri Football
16-09-2019 saa 19:17' | By Nsanzimana Ernest | Yasomwe n'abantu 3453 | Ibitekerezo

Ikipe y’ igihugu y’ u Bufaransa niyo yatwaye igikombe cy’ Isi cy’ umwaka ushize itsindiye Croatia I Moscow mu Burusiya ibitego 4-2. Hari ibanga u Bufaransa bukoresha rituma butwara ibikombe by’ Isi, gusa iryo banga Ishyirahamwe ry’ umupira w’ amaguru ku Isi FIFA ryamaze kuritahura.

Amakuru yatanzwe n’ umuntu wizewe ukora muri FIFA niko hafashe ibipimo by’ amaraso y’ abakinnyi benshi b’ u Bufaransa bagasangamo imiti itemewe n’ amategeko. Iyo miti ikoze ku buryo bigoye kuyitahura.

Ubushakashatsi n’ ikoranabuhanga byo ku rwego rwo hejuru nibyo byafashije inzobere gutahura iyo miti ikoreshwa n’ abakinnyi b’ u Bufaransa igatuma batananirwa.

Mu kwezi gushize kwa 8, FIFA, yatangaje ko yakoze amasuzuma arenga ibihumbi 2 yerekana ko nta miti iri mu maraso yabo.

Buri mukinnyi mu makipe 32 ajya mu gikombe cy’ isi akorerwa isuzuma kugira ngo harebwe niba adakoresha imiti itemewe.

Mbere ya buri mukino FIFA isuzuma ko nta mukinnyi ufite imiti mu maraso. Mu gikombe cy’ Isi giheruka u Bufaransa bwatsinze Croatia mu gice cya 2 cy’ umukino.

Africa24infos yabwiwe n’ umwe mu bayobozi ba FIFA ko u Bufaransa bushobora kuzahanirwa ko abakinnyi babwo bakoreshaga imiti yongera imbaraga.

Ibisubizo bishya by’ amaraso y’ abakinnyi b’ u Bufaransa byoherejwe muri FIFA kugira ngo ifatirwe iki gihugu umwanzuro.

Biramutse bibayeho FIFA ikambura u Bufaransa igikombe cy’ Isi cya 2018 byaba ari ikintu kidasanzwe kibayeho mu mateka y’ igikombe cy’ Isi.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...