AMAKURU

UKWEZI
ubumwe

Ibyo Neymar yabwiye abo yasanze hanze amaze guhatwa ibibazo ku kirego cyo gufata ku ngufu

Ibyo Neymar yabwiye abo yasanze hanze amaze guhatwa ibibazo ku kirego cyo gufata ku ngufu
8-06-2019 saa 08:33' | By Nsanzimana Ernest | Yasomwe n'abantu 3961 | Ibitekerezo 3

Icyamamare mu mupira w’ amaguru gikomoka mu gihugu cya Brazil Neymar kuri uyu wa Gatanu yagejejwe muri sitasiyo ya Polisi yo mu mujyi wa Rio de Janeiro ahatwa ibibazo ku kirego cy’ umukobwa umushinja kumufata ku ngufu, asohotse avuga ko Isi iri kumwe nawe.

Neymar ahakana gufata kungufu umunyamideli w’ umunyeshuri Najila Trindade, ubwo bari muri hoteli yo mu Bufaransa tariki 15 Gicurasi 2019.

Trindade ku wa Gatanu w’ icyumweru cyashize nibwo uyu mukobwa yatanze ikirego abwira televiziyo yo muri Brazil ko ashaka ubutabera.

Neymar yahagarikiwe ikarita ya Mastercard yamufashaga kubikuza amafaranga n’ abo yamamarizaga barabihagarika.

Iyi karita ngo azongera kuyikoresha ari uko iki kirego cyarangiye. Neymar ari mukinnyi bahembwa atubutse ku Isi.

Uruganda rwa Nike, Neymar yamamarizaga rwatangaje ko rutewe igishika n’ ikirego cyo kuba Neymar ashinjwa gufata ku ngufu.

Neymar yagiye guhatwa ibibazo asunikwa mu kagare kubera imvune afite ku kabumbampori yavanye mu mukino wa gishuti wahuje Brazil na Qatar.

Umunyamategeko wa Neymar, Maira Fernandes, yabwiye Reuters ko "Neymar yavuze ku byo aregwa… Dufite icyizere gihagije ko ibimenyetso dufite bizagaragaza ko ari umwere”.

Asohotse muri Sitasiyo ya Polisi Neymar yashimiye abantu bakomeje kumushyigikira.

Ati “Ndabashimira ko mukomeje kumba hafi, ubutumwa bwose Isi yanyoherereje, Inshuti zanjye, abafana banjye, Isi iri kumwe nanjye. Ndashaka kubashimira ku byiza munyifuriza no kubabwira no nuzuye urukundo”.

Uyu mukobwa avuga ko we na Neymar bahuriye kuri instagram, umukobwa akabwira uyu mukinnyi wa PSG ko amwifuza bikaba nko korosora uwabyukaga.

Neymar ngo yahise atega indege ava muri Brazil ajya mu Bufaransa ajyanywe no kwinezezanya bishingiye ku gitsina n’ uyu mukobwa. Trindade avuga ko icyo baje gushanira ari uko Neymar yanze kwikingira, umukobwa yamukanira agakoresha imbaraga akamufata ku ngufu.

Ibi byose Neymar arabihakana akavuga ko icyo uyu mukobwa ashaka ari amafaranga.

Neymar ashobora no gukurikiranwa kucyaha cyo gushyira ku mbuga nkoranyambaga amafoto y’ uyu mukobwa Trindade agahanirwa kwinjira mu buzima bwe bwite.


INKURU ZA :
Tanga Igitekerezo
Ibitekerezo 3
Faustin Kuya 16-06-2019

ihangane mwana Neymar nizina ribyibushye isi yose tukuri inyuma komera neymar

M.David Kuya 16-06-2019

Ku Mukinyi W’icamamare Nka Neymar Birashobora Gutuma Ata Icizere N’ugukundwa Cane Ku Bafana Biwe

M.Joseph Kuya 11-06-2019

Kiriya Nigisebo Kumukinyi Wari Umaze Kwamamara
Ndakekako Bizagira Ingaruka Kur Career Ye

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...