konka coffee
KONKA

AMAKURU

UKWEZI
ubumwe

Hari ibyo kunengwa mu irushanwa ryo kwibuka ku nshuro ya 25 ryari ryateguwe na FERWABA

Hari ibyo kunengwa mu irushanwa ryo kwibuka  ku nshuro ya 25  ryari ryateguwe na FERWABA
10-06-2019 saa 11:37' | By Muhizi Olivier | Yasomwe n'abantu 629 | Ibitekerezo

Muri ibi bihe U Rwanda ruri mu minsi 100 yo kwibuka ku nshuro ya 25 Jenoside yakorewe Abatutsi muri Mata 1994 muri Basketball Jenoside yahitanye benshi yaba abakinnyi n’abatoza ndetse n’abakunzi b’uyu mukino gusa ntabyera ngo de hari ibyo kunengwa ndetse bitagenze neza muri iri rushanwa .

Kuva ku wa Gatatu tariki 5 kugeza 8 Kamena 2019 kuri Petit sitade Amahoro I Remera no ku bibuga nka Rafiki i Nyamirambo,Csk mu Rugando habereye imikino yo kwibuka yari yatumiwemo ibihugu byo mu karere u Rwanda ruhereyemo .

Hari ibitaragenze neza muri iri rushanwa byakagombye gukosorwa muyandi marushanwa

1.ibijyanye n’imyinjirize y’abantu muri Stade

Umukino wa Basketball ni umwe mu mikino ikunzwe ndetse ikurura abantu benshi bikaba akarusho iyo REG yahuye na Patriots kuko niwo mukino ukurura abantu benshi kurusha indi yose .

Kuri uyu mukino itike ya makeya iba ari amafaranga 1000 Frw ahasanzwe n’amafaranga 3000 Frw muri VIP hasi mu kibuga ,kuri uyu wa Gatandatu ubwinshi bw’abantu mu manya isanzwe bwari bukabije cyane aha ukaba wakwibaza impamvu abagurisha amatike batagena amatike angana n’umubare w’abantu bajya muri stade bitabaye ngombwa ko abantu babyiganira muri sitade .

Umubare wabemerewe kwinjira muri stade wararenze abantu bahagarara muburyo bucucitse

2. Amazina y’ abibukwaga ntiyabwiwe abitabiriye uyu mukino

Ukinjira muri Stade ntiwari gupfa ku menya ko harimo kuba imikino yo kwibuka mu buryo bukoroheye yewe ubajije n’umwe mu bitabiriye iriya mikino ntiyakubwira nibura izina ry’umwe mu bantu bibukwaga bazize Jenoside bakinaga Basketball .

Nta mazina yabo nibura yasomwe ,ndetse nta namafoto yabo yigezwe yerekanwa kuri screen zari muri stade .

3.Ntago iri rushanwa ryahaye agaciro gakwiye abo mu miryango yabahoze bakina Basketball bazize Jenoside

Ubusanzwe iri rushanwa ryo kwibuka ntiryakabaye rimeze nk’iry’ ubucuruzi n’amakipe ngo ahangane ,ahubwo ryakabaye uburyo bwo gutanga ubutumwa bukumira Jenoside yahekuye uyu mukino wa Basketball ariko ibyo ntibyabaye .

Muri iri rushanwa ntago imiryango y’abazize Jenoside bakinaga uyu mukino yahawe agaciro bakagombye kuba bahabwa kuko uretse kuba nta mafoto n’amazina y’ ababo bazize Jenoside yerekanwe muri Stade cyangwa ngo asomwe mu ruhame wenda hagati y’umukino n’uwundi nabo ntabwo ntibahawe agaciro ngo wenda batumirwe muri iyi mikino wenda bagire n’uruhare mu gushyikiriza ibihembo kubitwaye neza nk’ikimenyetso cy’uko babazirikana .

Ikindi amakipe yaturutse hanze yakagombye kuba yarasobanuriwe byimbitse amateka ya Jenoside byaba ngombwa agasura urwibutso rwa Jenoside mbere y’imikino nk’ uko biba ku bandi bashyitsi basuye u Rwanda .

Nubwo hari ibitaragenze neza ariko hari nibyo gushima muri iri rushanwa

1.uburyo umutekano ubungabungwamo ku mukino

Ubusanzwe muri shampiyona no mu mikino isanzwe biragoye kubona Polisi iri muri stade kuko hifashishwa abasore 3 b’ibigango mu kurinda umutekano ,ariko kuri iyi nshuro abo basore bari bahari ndetse na Police yari yitabajwe .

Hari amakimbirane yabaye hagati y’abafana b’ Abanyarwanda n’ Abanyekongo ubwo Patriots BBC yatsindaga Terreur DR Congo bahatanira itike yo gukina umukino wanyuma abafana batangira kujugunya amacupa y’amazi mu kibuga ndetse bamwe baranashyamirana ariko polisi irahagoboka ihosha ayo makimbirane bitandukanye no ku mikino yo muri shampiyona aho haba bari aba bouncer gusa .

Umutekano wari ucunzwe cyane bitandukanye nuko bisanzwe bigenda muri shampiyona

2. Kubungabunga ubuzima bw’abakinnyi mu mukino byari byitaweho

Ubusanzwe mu mikino ya Shampiyona ntiwabona abakozi ba croix rouge bita ku mukinnyi ugize ikibazo. Ariko muri iri rushanwa hari haje abakozi ba Croix rouge ndetse hari haje n’imbangukira gutabara ku buryo isaha n’isaha umukinnyi agize ikibazo yatabarwa .

Ibi byabaye ubwo umukinnyi wa Terreur BC(DR Congo ) yagiraga imvune ikomeye mu ivi bikaba ngombwa ko aterurwa kuri burankari n’abakozi ba Croix kuko atabashaga kugenda .

Ubusanzwe aba basore nibo bifashishwa mu gucunga umutekano nabo bafatanyaga na Police


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
konka Monaco
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...