AMAKURU

UKWEZI
ubumwe

Amb. Nduhungirehe ashyigikiye ko AS Kigali yihuza na Kiyovu Sports

Amb. Nduhungirehe ashyigikiye ko AS Kigali yihuza na Kiyovu Sports
19-06-2019 saa 19:35' | By Nsanzimana Ernest | Yasomwe n'abantu 730 | Ibitekerezo

Ikipe ya AS Kigali n’ iya Kiyovu Sports zandikiye umujyi wa Kigali zisaba ko zahuzwa zikaba ikipe imwe y’ umujyi wa Kigali. Iyo baruwa yanditswe mu mpera z’ ukwezi gushize kwa Gicurasi.

Hashize igiye aya makuru avugwa mu itangazamakuru hari hataraboneka gihamya y’ ukuri kwayo kugeza hagaragaye ibaruwa y’ aya makipe.

Mu ibaruwa y’ aya makipe yandikiye umujyi wa Kigali avuga ko umujyi wa Kigali nk’ umuterankunga wayo uyemereye akihuza byatuma hakorwa ikipe ikomeye itwara ibikombe mu Rwanda no mu mahanga.

Umuyobozi w’ Umujyi wa Kigali Marie Chantal Rwakazina mu kiganiro yagiranye na Radio10 mu mezi abiri ashize yavuze ko ibyo kwihuza kwa AS Kigali na Kiyovu siporo yari atarabimenya.

Icyo gihe Rwakazina yavuze ko ikipe ya AS Kigali itarimo yitwara neza muri icyo gihe nikomeza gutsindwa amafaranga agera kuri miliyoni 250 umujyi wa Kigali uyigenera izayamburwa agakoreshwa ibindi.

Amb. Olivier Nduhungirehe, Umunyamabanga wa Leta muri Minisiteri y’ Ububanyi n’ amahanga, akaba n’ umukunzi ukomeye w’ umupira w’ amaguru by’ umwihariko ikipe ya Mukura Victory Sports , yatangaje ko ashyigikiye igitekerezo cyo kwihuza kwa AS Kigali na Kiyovu Sports.

Mu butumwa yashyize kuri Twitter yagize ati “ Iki ni igitekerezo cyiza cyane. Ubundi umurwa mukuru w’igihugu ugomba kugira ikipe ikomeye, itwara ibikombe, kandi ifite academy, sponsors na infrastructures za football zigaragara.N’indi mijyi, cyane cyane ya yindi itandatu (6) yunganira Kigali, ikaboneraho.”

Ubusabe bw’ aya makipe niburamuka bwemewe n’ umujyi wa Kigali, umwaka utaha azaba yarabaye ikipe imwe y’ umujyi wa Kigali.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...