AMAKURU

UKWEZI
ubumwe

Intare z’ inkazi za Cameroon zitsindiye Amavubi I Kigali

Intare z’ inkazi za Cameroon zitsindiye Amavubi I Kigali
17-11-2019 saa 20:00' | By Nsanzimana Ernest | Yasomwe n'abantu 1280 | Ibitekerezo 1

Ikipe y’ umupira w’ amaguru y’ u Rwanda yongeye kwitwara nabi mu mukiko wo gushaka itike y’ igikombe cy’ Afurika kizabera muri Cameroon muri 2021.

Umukino wa 2 wo gushaka itike ya CAN 2021 u Rwanda rwawukinnye na Cameroon kuri uyu wa 17 Ugushyingo 2019. Uyu mukino waberaga kuri Sitade ya Kigali I Nyamirambo warangiye ari igitego kimwe cya Cameroon ku busa bw’ Amavubi.

Bamwe mu bafana bumvikanye muri sitade baririmba Sugira Ernest, utabashije gukina uyu mukino kuko ari mu bihano yafatiwe n’ ikipe ya APR FC.

Abakinnyi b’ Amavubi bagerageje kwihagaragaro mu gice cya mbere kirangira banganya na Cameroon 0-0 ariko mu gice cya 2 umukino usigaje iminota nka 15 ngo urangire umusore wa Cameroon yatsinze Amavubi igitego cy’ insinzi, umukino urangira ari Cameroon 1-0 Rwanda.

Umukino wa mbere wo gushaka itike ya CAN 2021 u Rwanda rwawukinnye na Mozambique rutsindirwayo 2-0.

Abakurikiranira hafi iby’ umupira w’ amaguru bavuga ko u Rwanda amahirwe yo kwerekeza muri Cameroon ari kugenda ayoyoka nubwo bitararangira burundu kuko u Rwanda rusigaje imikino 3..

Mbere y’ uyu mukino Minisitiri wa siporo Aurore Mimosa yagiranye ikiganiro n’ abakinnyi b’ Amavubi, ababwira ko Abanyarwanda bakeneye insinzi ariko ntibyashobotse ko insinzi iboneka.

Kuba Cameroon yatsinze u Rwanda ntawe byatungura kuko n’ ubusanzwe iki gihugu kizi umupira w’ amaguru kurusha u Rwanda. Ku rutonde ngarukakwezi rwa FIFA Cameroon iri ku mwanya wa 52 ku Isi u Rwanda rukaba ku mwanya wa 129 mu bihugu 209.


INKURU ZA :
Tanga Igitekerezo
Ibitekerezo 1
Uwera chantal Kuya 20-11-2019

Amavubi ntatike azabonarwose

English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...