AMAKURU

UKWEZI
ubumwe

Itsinzi nk’ iyo u Rwanda rwabonye kuri Seychelles rwayiherukaga mu myaka 12 ishize

Itsinzi nk’ iyo u Rwanda rwabonye kuri Seychelles rwayiherukaga mu myaka 12 ishize
11-09-2019 saa 08:40' | By Nsanzimana Ernest | Yasomwe n'abantu 1185 | Ibitekerezo

Mu mukino wo kwishyura w’ ijonjora rya mbere ryo gushaka itike y’Igikombe cy’Isi cya 2022 kizabera muri Qatar u Rwanda rwaraye rusezereye ikipe y’ igihugu cya Seychelles ruyitsinze ibitego 7-0 mu mukino umwe, u Rwanda rwaherukaga gutsinda ibitego byinshi gutya muri 2007.

Mu Ukuboza 2007 nibwo Amavubi yabonye itsindi ya mbere nini cyane kuko icyo gihe yatsinze Djibouti ibitego 9-0 mu irushanwa rya Cecafa Cup. Icyo gihe Bogota yatsinze ibitego 3 wenyine.

Umukino ubanza wabereye muri Seychelles, Amavubi yayitsindiye iwabo ibitego 3-0 bivuze ko u Rwanda rwasezereye Seychelles ku bitego 10-0. U Rwanda rwabonye amahirwe yo gukomeza mu matsinda azamenyekana mu minsi iri imbere.

Ku munota wa 13 w’umukino,Seychelles yahushije igitego cyabazwe ubwo Vigoot Gerrick yasigaranaga n’umunyezamu Kimenyi bonyine ateye uca ku ruhande.Ubu nibwo buryo bukomeye cyane iyi kipe yabonye muri uyu mukino.

Amavubi yafunguye amazamu ku gitego cyatsinzwe na Bizimana Djihad ku mupira yaherejwe neza na Hakizimana Muhadjiri wateye coup franc yakorewe kuri Kagere Meddie, hari ku munota wa Ku munota 16.

Ku munota wa 22 Tuyisenge yahushije igitego cari cyabazwe ubwo yacomekerwaga umupira mwiza asigarana n’umunyezamu wenyine,ashatse kumuroba aramushota.


Abafana b’ Amavubi

Amavubi yahise ibona ibitego 2 mu minota ibiri gusa kuko ku munota wa 27 Kagere Meddie yatsinze igitego cyiza n’umutwe hanyuma Tuyisenge nawe ahita amwunganira ashyiramo icya 3 ku munota wa 28.

Igitego cya 4 cyabonetse ku munota wa 33 gitsinzwe na Tuyisenge Jacques igice cya mbere kirangira gutya.

Ku munota wa 53, nibwo Seychelles yatsinzwe na Meddie Kagere igitego cya 5 ku mupira yahawe na Imanishimwe Emmanuel.

Nyuma y’iminota 2,Amavubi yabonye igitego cya 6 cyatsinzwe na Mukunzi Yannick n’umutwe ku mupira wari uturutse kuri koloneri ya Djihad Bizimana.

Ku munota wa 79 Hakizimana Muhadjiri yatsinze igitego cya karindwi cy’Amavubi ku mupira mwiza yahawe na kapiteni Tuyisenge Jacques.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...