AMAKURU

UKWEZI
pax

Kimenyi Yves ni umukinnyi wa Rayon Sports – Nkurunziza

Kimenyi Yves ni umukinnyi wa Rayon Sports – Nkurunziza
8-07-2020 saa 15:27' | By UKWEZI | Yasomwe n'abantu 5426 | Ibitekerezo 1

Umuvugizi w’Ikipe ya Rayon Sports, Nkurunziza Jean Paul yatangaje ko kugeza uyu munsi umunyezamu Kimenyi Yves akiri umukinnyi wabo ariko ushobora kujya mu yindi kipe iyo ariyo yose mu gihe yabyifuza.

Uyu musore wari umukinnyi wa Rayon Sports kuva muri Nyakanga 2019, bivugwa ko yasinyiye ikipe ya Kiyovu Sports ku wa 26 Gicurasi 2020.

Nubwo Rayon Sports yahise ivuga ko igenda rya Kimenyi muri Kiyovu Sports rinyuranyije n’amategeko kuko agifitanye amasezerano na Kiyovu.

Gusa mu minsi ishize Rayon Sports yatangaje ko yasinyishije na Kwizera Olivier, ibintu benshi bahuza no kuba ariwe uje gusimbura Kimenyi Yves.
Reba hano ikiganiro n’Umuvugizi wa Rayon Sports

Mu kiganiro na UKWEZI, Nkurunziza yavuze ko kugira Kwizera ntaho bihuriye na Kimenyi Yves kuko bafite ubushobozi bwo kugira abazamu barenze umwe.

Yagize ati “Twe dufite uburenganzira bwo gutunga abazamu batanu, ariko igihari twebwe twibukije umukinnyi ko tugifitanye amasezerano kandi nawe arabyumva.”

“Ariko nanone twamwibukije ko yemerewe kujya aho ashatse hose mu gihe abona hari ibyiza biruta aho ari.”

Nkurunziza avuga kandi ko uko bimeze kuri Kimenyi Yves ariko byari bimeze kuri Rutanga Eric kuko nawe byavuzwe ko yaguzwe na Police FC kandi akiri umukinnyi wa Rayon Sports ari nabwo byaje kurangira iyi kipe yumvikanye na Young SC ihita igura Rutanga wari usanzwe ari Captain wa Rayon Sports.

Yakomeje agira ati “Kimenyi Yves ntabwo aratwemerera ko yasinyiye Kiyovu, ariko niba azajya muri ayo makipe yo hanze cyangwa Kiyovu azagenda ari uko twamuhaye ibaruwa imwemerera kugenda.”

“Igihari Kimenyi ni umukinnyi wacu ariko udufitiye amasezerano, ariko wemerewe kujya aho ariho hose kuko nta mukinnyi tuzirika ariko agomba kugenda mu buryo bukurikije amategeko.”

Kimenyi yageze muri Rayon Sports muri Nyakanga 2019, avuye muri APR FC, yahawe miliyoni 2 Frw muri miliyoni 8 Frw yaguzwe.

Imwe mu ngingo y’amasezerano ye, yavugaga ko nibigera tariki ya 1 Nzeri 2019, atarabona ibyo agombwa n’ikipe, ashobora kwerekeza ahandi.
Reba hano ikiganiro n’Umuvugizi wa Rayon Sports


INKURU ZA :
Tanga Igitekerezo
Ibitekerezo 1
Ruti Kuya 11-07-2020

Ariko uyu muvugizi yiyemeje kubeshya aba Rayons.Mwabanje mukubahiriza amasezerano

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA