AMAKURU

UKWEZI

Kiyovu Sports yihagazeho imbere ya Rayon Sports, APR FC ikomeza kuyobora urutonde

Kiyovu Sports yihagazeho imbere ya Rayon Sports, APR FC ikomeza kuyobora urutonde
22-04-2018 saa 19:11' | By Muhizi Olivier | Yasomwe n'abantu 1439 | Ibitekerezo

Mu mukino w’ishiraniro w’umunsi wa 17 wa shampiyona y’icyiciro cya mbere mu Rwanda, Kiyovu Sports yahungabanyije ibyishimo bya Rayon Sports, mukeba w’ibihe byose, umukino urangira banganya ibitego 2 kuri 2 mu mukino Kiyovu Sports yayoboye kuva umukino ugitangira kugeza ubwo warangiye Rayon Sports yinyaye mu isunzu.

Kuri iki Cyumweru tariki 22 Mata 2018, kuri Stade ya Kigali i Nyamirambo, Kiyovu Sports yari yakiriye Rayon Sports yari ikiri mu byishimo ibyina intsinzi yakuye muri Mozambique itsinda Costa Do Sol byanayihesheje kujya mu matsinda ya CAF Confederation Cup.

Ni umukino wari uvuze byinshi kuko iyo Kiyovu Sports iwutsinda yari busatire APR FC iyoboye urutonde rw’agateganyo rwa shampiyona cyo kimwe na Rayon Sports nayo yari kurushaho gusatira APR FC. Umukino watangiye ubona Kiyovu Sports iyoboye umukino ikanyuzamo igahusha n’ibitego byari byabazwe. Ku munota wa 28 w’igice cya mbere, Kapiteni wa Kiyovu, Mugeni Fabrice yatsindiye Kiyovu igitego cyambere Kiyovu ikomeza kuyobora umukino igice cyambere kirangira ari igitego kimwe cya Kiyovu Sports ku busa bwa Rayon Sports.

Mu gice cya kabiri Rayon Sports yakoze impinduka Muhire Kevin yinjira mu kibuga, Rayon Sports nayo itangira gusatira byatumye ibona igitego cya mbere ku munota wa 57 kuri penalite yatewe na Bimenyimana Boniface Kalebu ku ikosa ryari rikorewe mu rubuga rw’amahina rwa Kiyovu.

Umukino wakomeje gukinirwa hagati ariko Kiyovu igakomeza guhusha ibitego byabazwe. Ku burangare bw’abakinnyi b’inyuma ba Rayon Sports Kiyovu yabonye igitego cya kabiri ku munota wa 64 bituma Kiyovu Sports igaruka mu mukino neza ikomeza gusatira cyane.

Rayon Sports yakoze impinduka yinjizamo abakinyi basatira mu kibuga nka Hussen Chabalala Nahimana Shassir bituma isatira kurushaho. Ku munota wa 84 Rayon Sports yabonye igitego cyo kwishyura cyatsinzwe na Chabalala, igitego cyahagurukije abafana ba Rayon bose umukino urangira ari ibitego 2 kuri 2 impande zombi zisangira amanota. Rayon Sports igumye ku mwanya wa kabiri n’amanota 31 naho Kiyovu iguma ku mwanya wa kane n’amanota 29.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...