AMAKURU

UKWEZI
ubumwe

Ozil wa Arsenal yakoze ubukwe na Miss w’igihugu akomokamo, Perezida amubera ’Best Man’

Ozil wa Arsenal yakoze ubukwe na Miss w’igihugu akomokamo, Perezida amubera ’Best Man’
8-06-2019 saa 08:49' | By Chief Editor | Yasomwe n'abantu 9822 | Ibitekerezo

Perezida wa Turukiya Recep Tayyip Erdogan wa Turikiya, ni we wambariye umukinnyi w’Umudage ukinira ikipe ya Arsenal, Mesut Ozil, mu bukwe bwe bwabaye kuri uyu wa Gatanu akarongora umukunzi we wahoze ari Miss w’iki gihugu cya Turikiya. Ibi ni amateka akomeye cyane kuko uyu mukuru w’igihugu Ozil afitemo inkomoko, bari baherutse kubonana bigateza impagarara zikomeye mu Budage.

Mesut Ozil w’imyaka 30 y’amavuko yashakanye na Amine Gulse wahoze ari "Miss" wa Turukiya, mu birori by’ubukwe bwabo byabereye muri hoteli ihenze iri mu nkengero z’umugezi wa Bosphorus muri Turukiya kuri uyu wa Gatanu tariki 7 Kamena 2019.

BBC ivuga ko Ozil n’umukunzi we Amine batangiye gukundana mu mwaka wa 2017, mu kwezi kwa gatandatu mu mwaka ushize wa 2018 bemeranya kuzabana nk’umugore n’umugabo.

Ozil ufite inkomoko muri Turukiya, mu mwaka ushize yateje impaka n’uburakari ku baturage benshi b’u Budage n’abakunzi b’umupira w’amaguru by’umwihariko, ubwo yashyiraga hanze amafoto yifotoje ari kumwe na Perezida Erdogan mbere y’imikino y’igikombe cy’isi.

Nyuma byaje gutuma Ozil ahitamo guhagarika gukinira igihugu cye cy’u Budage, atanga impamvu z’ivangura rishingiye ku ibara ry’uruhu no gusuzugurwa, ibi akavuga ko yabikorewe n’abantu batandukanye mu Budage bamuziza ayo mafoto.

Mu kwezi kwa gatatu uyu mwaka, Ozil yari yavuze ko yasabye Perezida Erdogan kuzamwambarira mu bukwe bwe akamushyigikira muri ibyo birori, ibintu nabyo byatumye anengwa iwabo mu Budage.

Icyo gihe, Helge Braun, umuyobozi w’ibiro by’umukuru w’u Budage Angela Merkel, yabwiye ikinyamakuru Bild ko "bibabaje" kumva Ozil yarahisemo Perezida Erdogan ngo amushyigikire mu bukwe, arenze ku kuntu ubwo yakoranaga inama na we mu mwaka ushize yabinengewe.

Mesut Ozil yavukiye mu Budage ariko ababyeyi be bakomoka muri Turikiya, ubuyobozi bw’u Budage n’abadage muri rusange bakaba barababajwe n’uko yagiranye ibiganiro na Perezida w’iki gihugu kizirana byeruye n’igihugu cy’u Budage, ariko we avuga ko ibyo yakoze byari ukubaha igihugu ababyeyi be bakomokamo ndetse ko ibyo baganiriye ntaho bihuriye na Politiki ahubwo ari iby’umupira w’amaguru. Kuva ubwo yahise anasezera mu ikipe y’igihugu cy’u Budage.

Amakuru atangazwa na BBC avuga ko Perezida Erdogan akunze gutaha ubukwe bw’ibyamamare muri Turukiya, cyane cyane mu bihe byo kwiyamamaza mu matora. Atashye ubu bukwe bwa Ozil n’ubundi mu gihe hitegurwa isubirwamo ry’amatora y’umukuru w’umujyi wa Istanbul. Ibyayavuyemo mbere, byagaragaje ko umukandida w’ishyaka rye rya AKP yari yatsinzweho gatoya, byateshejwe agaciro, bituma amahanga amwamagana.

JPEG - 104.4 kb
JPEG - 201.9 kb
JPEG - 209 kb
JPEG - 177.1 kb
JPEG - 22.2 kb
JPEG - 226.5 kb
JPEG - 140.5 kb

INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...