AMAKURU

UKWEZI
pax

Mu mafoto : Ibyishimo by’abafana ba Liverpool FC nyuma yo kwegukana igikome igikombe yaherukaga mu myaka 30

Mu mafoto : Ibyishimo by’abafana ba Liverpool FC nyuma yo kwegukana igikome  igikombe yaherukaga mu myaka 30
26-06-2020 saa 12:23' | By UKWEZI | Yasomwe n'abantu 1311 | Ibitekerezo 2

Abafana b’Ikipe ya Liverpool FC baraye mu mihanda bishimira igikombe cya igikombe cya Shampiyona y’Umupira w’Amaguru mu Bwongereza, Premier League, ikipe yabo yegukanye nyuma y’imyaka 30 yari ishize itagikozaho imitwe y’intoki.

Liverpool FC yegukanye igikombe ku mugoroba wo ku wa Kane mu gihe hasigaye imikino irindwi ngo shampiyona irangire.

Ku wa Gatatu yari yatsinze Crystal Palace 4-0, itegereza ibiva mu mukino wa Manchester City, yaje no gutakaza. Iyi kipe yatwaye igikombe cya 19 nyuma yuko Manchester City iyikurikiye ku rutonde rwa shampiyona yananiwe kwikura imbere ya Chelsea yayitsinze 2-1 mu mukino wabereye i Stamford Bridge.

Bisobanuye ko Liverpool FC ifite amanota 86 nubwo yatsindwa imikino yose isigaye, Manchester City ifite 63 itakuramo ikinyuranyo cy’amanota iyirusha.

Liverpool itozwa na Jurgen Klopp [wayigezemo mu Ukwakira 2015] yegukanye igikombe nyuma yo gutsinda imikino 28, ikanganya ibiri mu gihe yatsinzwe umwe muri 31 imaze gukina.

Igikombe Liverpool [The Reds] yatwaye cyabaye icya 19 iyi kipe yegukanye, ikomeza gukurikira Manchester United ifite ibikombe byinshi mu Bwongereza.

Liverpool FC yaburaga amanota atandatu ngo yegukane shampiyona yari yagize impungenge nyuma yo gukomwa mu nkokora na Coronavirus yatumye ihagarikwa amezi atatu kuva muri Werurwe 2020.

Umudage Jurgen Klopp yabwiye Sky Sports ko yishimiye kwegukana igikombe cya Shampiyona.

Ati “Iki [gikombe] ni icy’abafana. Ndizera ko bacyishimiye, twese biri mu mitima n’imitwe byacu, twarafatanyije ndetse ni ibyishimo gukorera abafana ibi.’’

Yakomeje avuga ko nta magambo yabona yo gusobanura ibyishimo afite. Ati ‘‘Iki ni igihe gikomeye. Nta magambo meza nabona. Ndanyuzwe. Sinigeze ntekereza ko nzaba meze gutya.’’

Liverpool FC yongereye amanota arindwi ku yo yasorejeho ubwo iheruka gutwara igikombe mu 1989/90 aho yari ifite 79, icyo gihe yatozwaga na Kenny Dalglish.

The Reds kandi inafite amanota menshi kurusha amakipe yegukanye ibikombe birindwi biheruka arimo na Leicester yatwaye icya 2015/16 ifite 81.

Mu myaka 30 ishize, Liverpool FC yegukanye ibikombe bitatu bya FA Cup, bine bya League Cup, icya Uefa Cup, Champions League ebyiri, Super Cups eshatu n’Igikombe cy’Isi gihuza amakipe.


INKURU ZA :
Tanga Igitekerezo
Ibitekerezo 2
Fabrice cris Kuya 10-07-2020

Turabashimiye kumakuru muba mwaduhaye kd muzadushakire n’amakuru ya mukura

KBY Kuya 26-06-2020

Liverpool itumye tumererwa neza....................................YNWA

IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA