AMAKURU

UKWEZI
pax

Munyakazi Sadate wayoboraga Rayon Sports na komite ye yose bahagaritswe bahita basimbuzwa

Munyakazi Sadate wayoboraga Rayon Sports na komite ye yose bahagaritswe bahita basimbuzwa
25-05-2020 saa 20:16' | By UKWEZI | Yasomwe n'abantu 3100 | Ibitekerezo

Umuryango wa Rayon Sports [Rayon Sports Association] wahagaritse abari bagize Komite Nyobozi y’iyi kipe bayobowe na Munyakazi Sadate bashinjwa amakosa akomeye arimo kwirengagiza no kurenga ku biteganywa n’amategeko shingiro y’iyi kipe.

Iyi nama yabaye kuri uyu wa Mbere tariki 25 Gicurasi 2020, niyo yafatiwemo imyanzuro irimo uwo guhagarika abagize komite nyobozi ya Rayon Sports ndetse hahita hashyirwaho ababasimbura mu gihe hategerejwe amatora.

Itangazo rigenewe abanyamakuru ryasinyweho umukono n’Umuyobozi w’Umuryango wa Rayon Sports, Ngarambe Charles, Komite Nyobozi y’ikipe yahagaritswe kubera “amakosa akomeye yakozwe” .

Itangazo rigira riti “Ku wa 23 Gicurasi 2020 saa 11h30, i Kigali hateraniye inama y’ubuyobozi y’umuryango wa Rayon Sports, yiga ku bibazo biri mu gikorwa cy’umuryango Rayon Sports FC.”

“Inama y’ubuyobozi y’umuryango Rayon Sports imaze gusuzuma imiyoborere y’igikorwa cyayo (Rayon Sports FC), yasanze komite iriho yirengagiza ndetse irenga ku mategeko shingiro (statut) agenga umuryango wa Rayon Sports mu ngingo ya 4, 11 n’iya 28.”

“Dushingiye ko izi ngingo zose zirengagijwe kandi zigomba kubahirizwa, inama y’ubuyobozi isanga ari amakosa akomeye yakozwe bityo ifata icyemezo cyo guhagarika komite yose yayoboraga igikorwa cy’Umuryango (Rayon Sports FC).”

Inama y’ubuyobozi ishyizeho kandi yemeza ko komite ihagararira ndetse ikareba ubuzima bwite bwa buri munsi bw’igikorwa cy’umuryango Rayon Sports FC kugeza igihe amatora azabera.”

Komite nshya yashyizweho igizwe na Ngarambe Charles, Muvunyi Paul, Dr Rwagacondo Claude, Ntampaka Théogène, Gacinya Chance Denis, Muhirwa Prosper na Ruhamyambuga Paul. Aba bose nibo bagize icyitwaga Akanama Ngishwanama muri Rayon Sports, kemerwaga n’ubuyobozi bw’ikipe nk’akaje kuyifasha gukemura ibibazo yahuye nabyo muri ibi bihe bya Coronavirus.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...