AMAKURU

UKWEZI
ubumwe

“Ndi mu murongo mwiza wo gufasha igihugu cyange” Ernest Sugira amaze gutsinda Ethiopia

“Ndi mu murongo mwiza wo gufasha igihugu cyange” Ernest Sugira amaze gutsinda Ethiopia
23-09-2019 saa 10:36' | By Nsanzimana Ernest | Yasomwe n'abantu 2689 | Ibitekerezo

Umukinnyi w’ ikipe y’ igihugu Amavubi Ernest Sugira yatangaje ko magingo aya ari mu bihe byo kuba yatsinda ibitego, mu gihe amaze imyaka irenga ibiri atitwara neza mu kibuga.

Ni nyuma y’ uko atsinze ikipe y’ igihugu ya Ethiopia igitego kimwe cyabonetse ku munota wa 60 w’ umukino wabereye I Mekelle wo gushaka itike ya CHAN 2020.

Nyuma y’ uyu mukino wo kuri uyu wa 22 Nzeri 2019, Sugira Ernest aganira na Radio 10 yagize ati: “Nishimiye insinzi dukuye hano muri Ethiopia, ni ibintu byiza. By’umwihariko nyuma y’igihe kirekire navuga ko bitari bimeze neza, ariko ubu navuga ko ndi mu murongo mwiza wo kuba nagira icyo mfasha igihugu cyange, mu gihe cyose naba niyambajwe.”

Ernest Sugira avuga ko Imana imufashije ntagire ikindi kibazo agira cy’ubuzima azakomereza aho gutsinda ibitego nk’uko abantu bari bamuzi muri 2016. Ati “Umurongo mwiza ndiho wo kuba nabona amahirwe amwe mu mukino nkayabyaza umusaruro nizeye kuzawukomeza.”

Sugira Ernest ashimira Abanyarwanda bamubaye hafi mu bihe bibi yarimo. Ati: “Nabaye umukinnyi mwiza mu irushanwa ry’ingabo mu karere nijye watsinze ibitego byinshi, ndaza ndakomeza imikino yose nitwara neza.

Byatangiye mpusha ibitego bavuga ko ari ibintu bibi ariko buriya ni intangiriro nziza. Icyo nabwira Abanyarwanda ni abantu bihangana bagashyigikira umuntu n’ubwo yaba ari mubihe bibi.”

Umutoza w’Amavubi, Mashimi Vincent wasinye amasezerano y’amezi atatu gusa, akaba amaze gutsinda imikino ine yikurikiranya yavuze ko ubu u Rwanda rufite ikipe nziza nubwo mbere bagiye babura amahirwe yo gutsinda, ariko ubu abakinnyi afite ngo ni beza arababwira bakumva.

Yagize ati “Nta kindi kintu navuga usibye gushimira abakinnyi, ushobora kubakoresha imyitozo, ariko ni bo bajya mu kibuga. Dufite ikipe nziza nk’uko nagiye mbivuga, ikipe dufite ni abakinnyi beza uha amabwiriza bakakumva, twari tuzi ko bitoroshye ariko twakoresheje amahirwe twabonye tuyabyaza umusaruro, byashobokaga ko twari kubona ibitego birenze kimwe”.

Uyu mutoza kuva yahabwa amasezerano y’ amezi 3 yatsinze Seychelles imikino ibiri ibitego (10-0), atsinda DR Congo (3-2) mu mukino wa gicuti ayisanze iwayo, ubu yatsinze Ethiopia 1-0 mu mukino ubanza w’amajonjora muri CHAN2020.

Amavubi aragera i Kigali ku isaha ya saa 14h30 aje kwitegura umukino wo kwishyira na Ethiopia uzabera i Kigali tariki 19 Ukwakira 2019.


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...