AMAKURU

UKWEZI
cheno 2020

Ngaboyisonga wasifuye umukino wa Rayon Sports na Gicumbi FC yahagaritswe

Ngaboyisonga wasifuye umukino wa Rayon Sports na Gicumbi FC yahagaritswe
23-03-2020 saa 13:45' | By Twagirayezu Vincent | Yasomwe n'abantu 834 | Ibitekerezo

Komisiyo y’abasifuzi mu ishyirahamwe ry’umupira w’amaguru mu Rwanda, FERWAFA yamaze guhana Ngaboyisonga Patrick wasifuye umukino w’umunsi wa 24 wa shampiyona Rayon Sports yari yakiriyemo Gicumbi FC kuri stade Nyamirambo bikanganya igitego 1-1 ariko ibyavuye muri uyu mukino ntibyumvikanweho n’impande zombi.

Ngaboyisonga Patrick ntiyigeze yemeranya n’abakinnyi n’abatoza b’ikipe ya Gicumbi ku gitego cyo kwishyura Rayon Sports yatsinze mu minota y’inyongera gitsinzwe na Niyonzima Ally ariko Sugira Ernest wa Rayon Sports akaba yari yabanje kugonga umunyezamu wa Gicumbi FC umusifuzi akemeza ko nta kosa ryabayeho.

FERWAFA yahagaritse Ngaboyisonga kumara imikino ine adasifura, ni ukuvuga ukwezi kose atagaragara mu bikorwa by’umupira w’amaguru mu Rwanda. Ibi bihano yafatiwe bikazatangira gushyirwa mu bikorwa uhereye igihe shampiyona izaba yasubukuwe.

Kimwe n’ibindi byemezo byafatwaga na Ngoboyisonga muri uyu mukino bitavugwagaho rumwe, abatoza ba Gicumbi ntibigeze bemera kuba uyu musifuzi yongeyeho iminota 7 yose nyuma y’uko iminota 90 yari irangiye Gicumbi FC iyoboye umukino ku gitego 1-0 gusa we yavuze ko yayongeyeho ashingiye ku kuba umunyezamu wa Gicumbi yari yakunze kujya amara igihe kinini aryamye hasi mu buryo bwo kumara iminota cyane ko ari nayo yari yamaze kwizera gutahukana intsinzi.

Ni umukibo wabaye tariki ya 14 Werurwe 2020 ukaba warakiniwe mu muhezo nta bafana bari muri sitade kubera gutinya kwanduzanya icyorezo cya Coronavirus ukanarangira abakinnyi babiri ba Gicumbi FC bahawe amakarita atukura kubera guteza imvururu harimo na Farouk Shabani washatse gusagarira umusifuzi nyuma yo kwemeza igitego cya Rayon Sports.

Niyonzima Ally yatsinze igitego Sugira yabanje kugonga umunyezamu wa Gicumbi, umusifuzi yemeza ko nta kosa ryigeze ribaho


INKURU ZA :
Tanga Igitekerezo
Ibitekerezo
English
IGURIRE
Reba Ibindi Byinshi
IBARUWA ZA JORIJI
URUKUNDO
INKURU ZIKUNZWE
English
Ibitekerezo
IZINDI NKURU WASOMA
Loading...